Eri tijonik rech k’utb’al uwachib’al ulew, katob’an ri’ pa le q’atenik b’anoj k’ax ri’

280

Eri k’ak’ tob’chakub’al kuya’ utz tob’anik pa le q’atenik b’anoj k’ax ri’ kumal ri e 22 eqa’lenelab’ rech taq ri Wokajil Ajchajil Tinamit (PNC), ri Ministerio Público (MP) xuquje’ rumal ri Ministerio rech Gobernación, ri xkik’iso ri retal tijonem rech ri Nuk’wokajil rech Utzijolil rachib’al ulew ri’, ri xnajtib’ kajib’ q’ij ri’.

Eri ilb’anem k’utb’al ri’ are xuk’am ub’eyal ri ukaj viceministro rech Tecnología, rech Gobernación, Walter Girón, xuquje’ rumal ri Rolando Yax, taqanel rech ri Wokajil Cholchak pa komon Taqawokajil xuquje’ rech K’iyemal, Juan Fernando Catalán, are ukab’ k’amal b’e rech Solwachinem xuquje’ rech Kojb’al ri’, xuquje’ eri ajno’chakunel Miguel Augusto Gudiel Alvarado ri xuya’ ri tijonem ri’.

Eri eqa’lenelab’ xkik’is uwach ri retal tijob’enik ri’ e 22 pa konojel ri’ e k’o keb’ ixoqib’ chi ke.

Eri Girón xutzijoj che we nuk’wokaj yab’al tzijol uwachib’al ulew ri’, are kakojik kumal ri ajchajil tinamit pa le k’olib’em ri qas kak’ulmataj wi b’anoj k’ax ri’ xuquje’ are kuya’ uchuq’ab’ ri b’anikil taq rech kakoj kumal ri taqanelab’ pa le chomanik kakib’ano, rech pa le utz ya’olchajinik chi ke ri winaqil ri’.

 “Eri xutaqo kanimaxik rumal ri’ Ministro Francisco Rivas are rech kuya’o uchuq’ab’ ri tob’chakub’al pa taq le wokajil rech ri PNC, xa’rumal eri yab’al utzijol rachib’al ulew ri’ are qas k’o nim kupatanij we kamik. Eri jun chokonsb’al rech rilb’alil ri jas kak’ulmatajik ri’ xuquje’ are rech k’o pa retal kachomaxik pa aninaqil ri’ xuquje’ are sib’alaj utz. Eri solwachinik chi rij le uwachib’al rulewal ri’ are k’o nim kupatanij pa le ya’olchajinik pa aninaqil kumal ajchajil tinamit ri’”, xcha’.

Rumal k’u ri’, eri Taqanel ilonel rech ri Nim Cholchak ri’, ri Rolando Yax, sib’alaj xki’kotik rumal xurilo xk’is we jun retal tijob’enik ri’ xuquje’ xub’ij che ri retal tijonem ri’ are qas kakoj ri’ kumal ri ajchajil tinamit ri xkitijoj kib’ che uchakuxik ri’.

 “Rumal ri’ kinb’ij che ri retal tijonik ri’ are loq’ ub’antajik ri’, rumal kuya’o k’ak’ uwach tob’anik che ri PNC, rumal ri’ sib’alaj are utz katzijob’ex uwach xuquje’ we k’o ya’oltzijol chi rij ri’ pa taq ri taqawokajil ri’”.

Xuquje’ eri Yax xub’ij chik che ronojel ri ya’oltzijol  rech uwachib’al ulew ri’ are kakojik pa taq b’eyalil ri’, kojpa’ pa taq q’a’m, chuwi’ taq uche’al k’amsaqil, pa taq qas ilom k’olib’em ri’, je ri’ aretaq kajach ub’ixik utzijol taq rech kaq’atexik wexa’ k’o ma utz taj kak’ulmataj chuwe’q kab’ij ri’.

Pa le keb’ oxib’ ik’ petinaq ri’ keyexik rech kaya’taj nik’aj chik retal tijob’enik ri’ chi rij le ya’olchajinik kumal ri ajchajil tinamit pa taq le tzukunik ri’.

Swiffy Output
COMPARTIR