Xtaq ukojik Korlim Ya’olchajinik pa taq le tinamit rech Ixchiguan xuquje’ Tajumulco, San Marcos ri’

167

Aretaq xb’antaj ri chomanik pa Taqawokaj ri’ ub’i’ Chararim rech Uk’iyemal ri’, xuquje’ are rech kaya’ ub’ixik ucholajil ri ch’ojinik k’a te xk’ulmataj chi kuwach ri winaqilal pa le keb’ tinamit ri’ rumal ri’ eri vicepresidente rech we Amaq’il, Jafeth Cabrera, xuya’ ub’ixik pa komon kuk’ e k’i ministros rech ri taqawokaj pa amaq’ ri’ ri utzijolil ri jun Acuerdo Gubernativo 2 – 2017, che uq’atom ri Korlim Ya’olchajinik ri pa jun ik’ kanajtib’ ri’ are ri’ xya’taj ub’ixik utzijol pa le Diario Oficial ri’.

Xuquje’ xya’ ub’ixik che we kamik ri’ are kataq b’ik pa le Nimb’anol Taqanib’al pa we Amaq’il xuquje’ are are wari’ pa oxib’ q’ij kamajtaj ukojik pa uq’ijol ri’ aretaq we kab’ixik che utz ri’ kakojik, ruk’ wa’ eri taqawokaj pa amaq’ are kukoj jun ub’anikil uq’atexik ri b’anow ch’ojinik pa taq le tinamit ri’.

Eri nima k’amal b’e Jimmy Morales are xutaq ukojik wa’ ri korlim ya’olchajinik rech kaq’atatajik ri unimal ch’ojinik ri’, aretaq kak’is ri b’anow chomanik chi rij xuquje’ rumal are wa’ xkita k’ut keb’ e ajkalte’ib’ rech ri keb’ tinamit ri’.

Eri ch’ojinik katajin chi’

Rumal ri’ eri Ministro rech ri Defensa, Wiliams Mansilla, xuya’ ub’ixik che ri ub’antajil ri ch’ojinik ri’ are pa 83 junab’ ruk’ waqib’ ik’ chik sib’alaj katajin ri’ xa’rumal ri’ e k’o k’i winaq kisakom kib’ xuquje’ e k’o e kaminaq chi ke. Sib’alaj xuya’o ub’ixik che ri qas k’o wi nim ch’ojinik are chi rij jun ub’anikil ub’i’ “Terraplén”, xuquje’ rumal ri relb’al ja’, che ri kuya’o kija’ e k’i taq winaqil pa taq le juyub’al ri’ xuquje’ are wa’ ri qas xtzurtajik pa taq le 28 rech febrero pa we junab’ ri’.

Eri Ministro rech Gobernación, Francisco Rivas Lara, xuya’ ub’ixik che ri ch’ojinik k’a te xk’ulmatajik pa le keb’ tinamit ri’ xuquje’ are rumal ri k’ax toq’im ub’anik chi’, chi ke eqa’lenelab’ rech ri e ajchajin tinamit xuquje’ ri rech ajchajin amaq’ ri’, rumal ri’ sib’alaj xtaq ukojik chi’ ri wokajil ajchajil tinamit kuk’ ri e ajchajil amaq’ ri’ rech pa le ub’anik utzilem chi ke taq ak’alab’, ixoqib’ xuquje’ chi ke winaq e aj iximulew ri’ che tajiin kab’an k’ax che kijastaq kib’antajil pa le keb’ k’olib’em winaqilal ri’.

“Konojel ta ri winaq chi’ ri kakib’an ri ch’ojinik man k’ot pa usaqilal ri’, xaq e jub’ik chi winaq ri’ le keb’anow ri k’ax ri’ xuquje’ e are ri taq ak’alab’ chi’ ri kakitij k’ax ri’ rumal keb’e ta chik pa taq katijob’al ri’, xuquje’ ri ixoqib’ k’ot chik keb’e wi pa taq k’olib’em kunanik ri’ che ri rajawaxik chi ke rech e utz kuwach kechakunik ri’”, xcha’ ri Rivas Lara.

Eri Ministerio rech Gobernación kukoj na ronojel taq uchuq’ab’il uchakub’al ri k’o pa uq’ab’ ri’, rech kab’antaj kowinem kakoj pa taq le keb’ tinamit ri’ pa jikomal ri ya’olchajinik chi ke ri winaqilal ri’.

COMPARTIR