K’o jun jukub’ rech erel awan kunb’alil kab’insax chuxe’ ja’ xraqatajik

135

Eri tzukunem ya’olchajinik rech q’atel q’axin awan kunab’al ri’ utz  uq’atexik xb’antaj ri’, ri are ri’ kuq’alajisaj ruk’ uraqatajik ri ukab’ jukub’ rech erel awan kunb’alil ri’ xuquje’ ruk’ raq’anik rajilab’al cocaína ruk’ pwaqil raqom chik, man kajunumsataj ruk’ ri xraqataj pa le 2015 ri’, je ri’ utzijol xuya’ ub’ixik loq ri Quinto Viceministerio Antinarcótico, Oscar Dávila Mejicanos.

Eri Dávila Mejicanos, xub’ij ri are che are wari’ uchak upatan ri tzukunem b’anom ri’ rumal ri’ xb’antaj kowinem xraqatajik ri ukab’ jukub’ rech erel awan kunb’alil chuxe’ ja’ ri’, ri xraq chi la’ pa le k’olib’alil Bahía del Sol, Aldea Buena Vista, rech uq’ab’tinamit rech Ixtapa, Escuintla.

El semisumergible incautado  es de características similares a un submarino y tiene la Eri jukub’ kab’insax chuxe’ ja’ ri’ junam rilik ruk’ ri jun submarino ri kakowinik kuk’am b’ik keb’ mil pajb’alil rech awan kunb’alil ri’, eri ch’ob’ow xb’an chi rij ri’ eri jun jukub’ chuxe’ ja’ ri’ are ri no’jb’anem chakub’al kab’insax rech ri’ xuquje’ are kab’insax che ruk’ ub’anikil satelital ri’, man k’ot winaq kuk’am b’ik chupam ri’.

Are wari’ jun ukab’ jukub’ rech chuxe’ ja’ ri’ xraqik pa we amaq’ ri’, are chi’ ri xraq chik chuwach ri jun nab’e kanoq ri lajuj raqan kapajanik, che ri katajin ri’ uwokik, pa le Aldea Las Lisas, Chiquimulilla, Santa Rosa, pa le 23 rech septiembre kanoq, ri jun jukub’ la’ are kukowin kuk’am b’ik 100 mil pajb’alil rech awan kunb’alil ri’.

Eri taqawokajnel ri’, xub’ij eri xraqatajik ri’ kumal ri’ Wokajil Ajchajil Tinamit pa we amaq’, are ri’ xraqataj pa komon kumal ri Subdirección General rech Análisis rech Información Antinarcótica (SGAIA), xuquje’ rumal ri komon chak tzukunem xb’an ruk’ ri Ministerio Público.

Eri chak tzukunik xb’antajik ri’ rumal ri komonchak xkib’an kumal ri wokajil ri’, pa le q’atenik chi ke ri ajk’ayil awan kunb’alil ri’ ruk’ nik’aj chik itzelb’anik, xuquje’ ri resaxik kichuq’ab’ nik’aj molaj b’anol k’ax kamisanik ri’, are uwach ri chak patan xunimax uwach xcha’ ri Viceministro Antinarcótico.

Sib’alaj rajawaxik b’a’ kaya’ ub’ixik che pa le q’ij xraqataj ri cocaína ri’ xaq’an pa rajilab’al ri’ pa jun 41 % man kub’an ta junam ruk’ ri xraqataj pa junab’ir kanoq, ruk’ ri 10 mil 232 chi pajb’alil ri raqom chik ri’, junam ruk’ rajilab’al ri pwaq ri xraqataj ri’ le raqom chik pa ronojel are ri’ $. 7 millones 398 mil 432  junam ri’ kub’ij che xaq’an pa jun 39 % ri’.

Xuquje’ eri raqom chik are ri’ 17 millones raqan ichaj rech amapola xuquje’ ruk’ 2 millones 827 mil 336 raqan ichaj rech marihuana, are tzukunem ri’ kuk’utu ri uwachinem ri chak b’anom ri’ rumal le uro’ viceministerio rech ri q’atel kuwach ri e ajk’ayil awan kunb’alil ri’.

Swiffy Output
COMPARTIR