Xecha’ ri k’amal b’e rech ri Komonb’al Achijab’ Ixoqib’ kuk’ ri e aj Q’atol tzij ke’ok pa le CONAPREVI

248

Pa le Nab’e Molinik xb’an pa le junab’ ri’ rumal ri Coordinadora Nacional rech ri Q’atenik B’anow K’ax kumal e achalalil ri’ xuquje’ ri k’ax kab’an chi ke ri ixoqib’ ri’ (CONAPREVI), rumal ri’ xekojotaj pa taq uwokajil ri ajb’anol chomanik rech kachomaxik k’i uwach taq chomantzij ri’, eri jun chi ke ri’ are uwokik uwach xuquje’ ub’eyal ri wokajil ri k’o reqale’nib’al ri jun Komonb’al kumal Achijab’ Ixoqib’ ri’ ri e ajk’amel ub’e taq ri wokajil kiwokom uwach ri CONAPREVI ri’ xuquje’ rech xkowik jun Komonb’al rech Q’atoj tzij ri’ le kachoman chi rij ri jun k’ak’ Acuerdo Gubernativo, rech kuk’ex uwach uchak patan ri komon taq wokajil ri’, xcha’ ri Nim Uk’amal b’e ri’, ri Viceministro rech Q’atel B’anow k’ax ri’, Axel Romero.

Xuquje’ xuya’ ub’ixik chik che ri xchomaxik are chi rij ri cholb’al taq chak ri k’o pa le uwokajil ri Secretaría Presidencial rech Ixoqib’ ri’ (SEPREM) ri kak’oji pa reqale’nib’al ri Ministerio rech Gobernación ri’ jacha’ ub’anikil ri Cholb’al chak rech Q’atel b’anow k’ax chi kuwach ri e achalalil ri’.

Eri utzalaj b’anow chak patan ri’

Eri Ana Leticia Aguilar, Secretaria Presidencial rech Ixoqib’ ri’, xuya’ ub’ixik che konojel ri ixoqib’ kakik’am ub’e taq ri wokajilal e k’o pa le CONAPREVI, sib’alaj utz kakilo ri chak patan katajin ub’anik rumal ri Urox viceministerio rech Gobernación ri’, ri uya’om utzij ranima’ che xuquje’ rumal k’o nim ukowonib’al che ub’anik we chak patan pa komonb’al chak chomanik ri’, jacha’ ri jun Acuerdo Gubernativo ri chomatal chik.

“Sib’alaj kujki’kotik xa’rumal man k’ot k’ax qaraqom pa le qachak kojtajin che ub’anik ruk’ ri Mingob’ ri’, pa reqale’nib’al ri Viceministro ri’ xuquje’ pa aninaqil kaqaya’ panoq rutzilem chi rij ri katajin uchakuxik ri’, utz ri’ ri qachak kojtajin che ub’anik ri’”, xcha’ ri nan Ajtz’ib’anel ri’.
Xub’ij ri’ eri jun chik uwach ri jastaqil che ri kamaltyoxixik che ri Urox Viceministerio ri’ are ri’ ri k’amow uq’ab’il chak patan le Jachakunb’al rech Tz’aqatil Tob’anik chi ke Ixoqib’ kiraqom k’ax ri’ (CAIMUS), ri are ri’ qas tam uq’ijol ri’ xuquje’ ri nim uk’iyal taq ri nuk’wokaj rech taq ixoqib’ ri’ xuquje’ rech taq ixoqib’ pa konojel ri’ pa we amaq’, are wa’ ri’ jun nim k’axk’olil che ri rajawaxik kachomaxik ri’.

Eri ub’anikil le k’i taq uwach xchomaxik pa le molin ib’ ri’ eri Secretaría, xuya’ ub’ixik che xkitzijoj ri man utz taj kikil ri winaqil chi rij ub’anikil ri chakum pa taq uwachulew ri’ ch rij ri Ya’talil Winaqil chi ke ri ixoqib’ ri’.

COMPARTIR