Tajin raq’anik pa jun 40 jo’k’alib’al ri’ le Ya’b’al kib’ixik pa q’atb’altzij chi kij ri ajtoq’inel pwaq ri’

442

Eri kub’sib’al kik’u’x ri winaq tinamit e aj iximulew chi kij ri Wokajil Ajchajil Tinamit (PNC) xuquje’ chi kij ri q’atb’altzij rech ri Ministerio rech Gobernación xuquje’ chi rij ri Ministerio Público (MP), tajin raq’anik pa rajilab’al pa le ub’ixik ri’ pa jun 40 por ciento che ri 1,933 ok’owinaq panoq chuwach ri rech pa junab’ir 2015 are chi’ k’ 4,881 ximontzij chi kij xb’an pa q’atb’altzij ri’ kumal ri winaq tinamit xuquje’ pa le rech ri 2,016 k’a we kamik k’o k’ut 6,814, ri xya’taj ub’ixik ri’ rumal ri viceministro rech Ya’olchajinik, Ricardo Guzmán Loyo, pa jun q’axaltzijolinem ri’.

Rumal k’u ri’ xuya’ utzijolil ri oxib’ ya’olchajinik xb’antaj ri’, ri rech chi rij ri Rescate del Sur, ri rech Rescatando Guate xuquje’ ri rech Guate es nuestra, ri xb’antaj ri’ rumal k’ut “Eri taqawokaj pa amaq’ xutaq kichapik ri’, rech xk’amataj pa uq’ab’il chik ri ya’talil chi ke ri winaqil ri’, xuquje’ rech pa le uk’amik ri kikub’sib’al kik’u’x xuquje’ ri jorob’anem chi ke ri utzalaj taq winaq ri’,” xcha’ ri taqawokajnel ri’.

Eri Guzmán Loyo, xub’ij che xka’mulixik ri rajilab’a ri ximontzij pa q’atb’altzij chi rij ri’ b’anol k’ax ri’ xuquje’ “are kub’ij k’o kub’sib’al k’u’x ri’”, pane’ man kaya’ ta ub’ixik kumal ri Eqa’lenelab’ chajin tinamit ri’ eri winaq k’ut tajin ke’opan che ub’ixik ri’ xuquje’ eri kab’ix chi ke che k’o tzukunik kab’an chi rij taq ri’, pane’ b’a’ man k’ot jun kab’iw rech ri’.

 “Konojel k’ut kejaqik, pane’ maraj pane’ b’a pa aninaqil ri’ eri uchuq’ab’ ri q’atb’altzij kopan ri’ chi kij”, xcha’ ri viceministro rech Ya’olchajinik.