Eri Departamento rech tránsito rech ri PNC katajin che kipixb’axik ri winaqi tinamit ri’

349

Are rech b’a’ ketzijonik kechomanik kuk’ ri tinamit xuquje’ rech kakipixb’ej chi rij reta’maxik b’anow wa’katem pa jikomal pa taq nimab’e ri’, eri Departamento rech Tránsito rech ri Wokajil Ajchajil Tinamit (PNC), ruk’ ri Q’atb’altzij rech ri Derechos Humanos, ri Dirección General rech Transporte rech ri Ministerio rech Comunicaciones, ri Wokajil Ajchajinelab’ Q’atb’altzij rech Transito (PMT) xuquje’ ri  Maycom ketajin che upatanixik pa le wuqq’ij ri’ ri ya’olchajinik rech pa k’utb’e ri’, pa le sexta avenida rech ri zona 1 rech pa nimatinamit ri’.

We jun nimaq’ij chi ke ri winaq e aj iximulew ri’ kekowin k’ut che ub’anik k’i ub’antajil ri’ rech xketaj ukojik lemwach ri kub’an chi ke che e q’ab’arel tane’, jeri’ jacha’ pa le unuk’ik qumb’al aretaq kikojom ri lemwach ri’.

Eri Irene Pérez, ajno’jchakunel rech tijonik rech pa k’utbe ri’, ri are xub’ij che ruk’ wari’ are katzukuxik are kepixb’axik e k’ak’al taq winaq ri’ xuquje’ ri e ri’j winaq ri’ rech qas kakib’an rilik ri b’anow k’ax kuya’o che jun winaq q’ab’arinaq rumal tzam ri’, jeri’ we man kakoj ta ri q’a’mb’e ri’ xuquje’ we man k’ot uq’aq’ rech tzijb’al ub’e ri ch’ich’ ri’ (aretaq kuta ub’e rech kaq’axik ri’).

Eri Michael Eduardo Ramírez, maestro rech Educación Física, eri ukojik ri lemwach ri’ xuquje’ rech kaq’ax ri kojom wi ri k’ax q’axb’alil ri’, are wa’ kakojik rech kakesaj kino’jb’al chi rij ri alab’om alitom ri’ rech man kakitij ta tzam ri’ xuquje’ aretaq kab’inisax ri ch’ich’ xa’rumal qaraj kakitak’mij ak’alab’, taq ala taq ali xuquje’ e ri’j winaq pa nimab’e ri’.

Eri Pablo Pirir, ajchakunel rech ajtz’aqal ja, xub’ij che k’a pa 18 junab’ kanoq utijom ta tzam ti’, xa’rumal k’o pa jun jumul ri’ xaq ta jub’ik chik xkam ri’, xuquje’ xkub’isaj ub’ixik che ri retaxik ukojik ri lemwach ri’ are xna’tisaj che ri sib’alaj loq’ uwach ri qak’aslemal ri’.

Xub’ij chik eri Departamento rech Tránsito k’o ya’ltzijolinem ub’anom kuk’ ri winaq tinamit ri’ pa jo’ob’o junab’ chik ri’, chi’ k’u ri’ e rilom ri’ che ri winaqil sib’alaj kakichajij kib’ rech sib’alaj utz ub’anisaxik kach’ich’ ri’ kakib’ano.

Eri Observatorio rech ri Departamento rech Tránsito rech ri PNC xuya’ ub’ixik che pa le junab’ 2017 e k’o 2008 chi b’anow k’ax solkopin ib’ xk’ulmataj pa nimab’e ri’ pa ronojel ri’ e k’o 534 winaq xekam ri’ xuquje’ e k’o 2 mil 465 xesakataj ri’.

Pa le 2016 pa we taq q’ij ri’ pa ronojel e k’o 2 mil 767 raqow k’ax pa nimab’e ri’ chi ke ri’ e k’o 707 xekam ri’ xuquje’ e k’o 3 mil 369 xesakataj ri’ rumal ri’ chi’ xq’alajin ri’ che k’o xqaj pa rajilab’al ri raqow k’ax pa taq nimab’e ri’.

Eri nimab’e rech k’utb’al Ya’olchajinem pa Nimab’e ri’ are wa’ kak’is pa sábado petinaq ri’ ruk’ jun b’anow k’i taq k’utb’al rech pa tijob’en ib’ ri’.

COMPARTIR