K’o cholchak rech q’atel b’anow k’ax pa taq japache’ ri’ kakojik

152

Are rech b’a’ kaq’atexik pa uwokajil ri b’anow k’ax pa taq le japache’ ri’, eri q’atb’altzij rech ri Ministerio rech Gobernación, ri Wokajil Japache’ (SP) xuquje’ ri Wokajil Ajchajil Tinamit (PNC), sib’alaj ketajin che upatanixik ri cholchak rech ya’olchajinik rech q’atel b’anow k’ax pa taq ri japache’ pa we amaq’ ri’, we cholchak ri’ are katajin upatanixik chupam xuquje’ chisaq che ri wokajil japache’ ri’, xuquje’ sib’alaj katajin rilik utzukuxik juntir ri oqxa’nib’al taqom b’ik chi ke ri e ajpache’ ri’ ruk’ ri kiq’axaxik pa taq nik’aj chik ri’.

Eri taqawokajnel rech ya’olchajinik pa amaq’, Francisco Rivas Lara, xutzijol che ri chajinem tzukunik tajin kumal ri wokajil sak’ajil chajinel tzukunelab’ pa tinamit ri’, rumal ri SP xuquje’ rumal ri PNC, are katajin kumal rumal katajin kopanik ri q’atb’altzij pa taq ri japache’ ri’, rech kakilo jas ub’anikil katajinik ri chajinem tzukunik chi ke ri winaq ke’ok chi’ xuquje’ keb’el loq chi’, xuquje’ je ri’ juntir che ri oqxa’nib’al ka’ok chi’.

 “We jun cholchak ri’ are sib’alaj kupatanij are uq’atexik ri b’anow k’ax chi’ pa taq le japache’ ri’”, xcha’ ri Rivas.

Jas ri katajin uchakuxik chi’

Eri Lara, kub’ij eri kiq’axaxik ri e ajpache’ pa taq nik’aj chik’ tz’apib’al kech are katajin ri’ pataq le Wokajil Japache’ ri’ SP, “k’o e q’axam chik kojpa’ utaqom loq ub’ixik kumal ri q’atb’altzij ri’ ri kojpa’ ya’talil pa kiq’ab’ ri’ xuquje’ je ri’ kib’anom chech ri’, k’o e sib’alaj kamisanel e q’axim ri’, kojpa’ ri kitukum k’ax pa taq le japache’ ri’ je ri’ kiq’axaxik b’anom ri’ rumal taq q’atb’altzij”, xcha’.

Eri patanel taqawokajnem ri’, xub’ij che: “Xuquje’ tajin k’ut uchomaxik eri nik’aj e ajpache’ ri sib’alaj kakitukuj k’ax chi’ e are k’ut keq’axaxik pa taq nik’aj chik japache’ wokajil ri’ rech kaq’atexik ri b’anow k’ax ri’ tajin kakib’ano”.

Kicha’ik ajchak ri’

Eri kicha’ik ri ke’ok pa chak chi’ pa le Wokajil Japache’ ri’, sib’alaj katajin na, je ri’ ub’ixik xuya’o ri taqawokajnel rech ri MINGOB ri’, Francisco Rivas Lara.

E k’o jo’ob’ mil chi winaq kitam kichak chi’, “we kamik ri’ katajin b’a’ rilik unimaxik ri jujun uwach ri’ ri tam rumal ri taqanem rech ke’ok ri winaq che kichak ri’ xuquje’ rumal ri’ rajawaxik kakik’owisaj jujun taq eta’b’an eta’manik ri’ xuquje’ are kecha’ ri’ rech kilik we kek’amik wene’ man kek’amik rech ketijoxik rech ke’ok pa chak pa le wokajil japache’ ri’ SP”, xcha’ ri Rivas ri’.

Swiffy Output
COMPARTIR