Eri kajk’al b’elejlajuj molaj b’anol k’ax kakeleq’aj winaq e chapom chik xub’an ri’ che xqaj loq pa jun 65% uchuq’ab’ ri b’anoj k’ax ri’

104

Eri kajk’al b’elejlajuj molaj b’anol k’ax kakeleq’aj winaq ri xechap ri’ k’a pa le 2012 k’a pa we kamik ri’, k’o jun nim utzilem uya’om chik ri’, xa’rumal k’ut eri wokajil ajchajil tinamit ri’ k’o chik pa jun 65% xekowinik xkitanab’o uwach ri elaq’an winaq ri’ pa we amaq’.

Eri viceministro rech ya’olchajinik, Elmer Sosa, xuya’ ub’ixik che eri xb’antaj kowinem xechap nik’aj molaj b’anol k’ax ri’ pa jun 99% chi ke ri winaq xeto’taj ri’ rumal k’u ri’ pa we junab’ ri’ qaraj k’o e jo’k’al b’anol k’ax e chapom chik ri’.

 “Pa aninaqil k’a katotaj utzijol tane jun winaq kaleq’axik kak’am b’ik, pa aninaqil k’o b’a’ jun komon chomanik kab’anik rech kitaq resaxik kiq’ab’ b’anol k’ax kumal ri eqa’lenelab’ rech ri Comando Antisecuestros rech ri Wokajil Ajchajil Tinamit ri’, pa komonb’alil ruk’ ri Ministerio Público” xcha’.

Eri tat Sosa, xuya’ ub’ixik ucholajil ri’ kojpa’ xtaq ub’ixik che rumal ri Ministra rech Gobernación, eri Comando Antisecuestros xya’taj uchuq’ob’il ri’ ruk’ utzalaj uchokonsab’alil rech kub’an utz uchak patan pa le División rech Métodos Especiales rech ri PNC, xa’rumal are wa’ qas k’o upatan kuya’o pa le b’anoj tzukunik chi rij taq ri b’anoj k’ax ri’ xuquje’ chi rij taq nik’aj chik b’anoj k’ax kak’ulmataj ri’.

Xuquje’ xuya’ ub’ixik kojpa’ tane’ aretaq kak’ulmataj jun b’anoj k’ax ri’ e k’o e k’i taq molaj b’anol k’ax e chapom chik ri’ ri nim pwaqil tajin xkita chi kij ri’ winaq xkeleq’aj b’ik kuk’ ri’ xuquje’ e k’o chi ke xaq ajalam taq ma naj taj kenajtib’ che toq’inik chi kij ri’, xa’rumal are ri qas kakilo are ri pwaq ri’, eri nik’aj sik’inik kumal ri’ xa’rumal are tajin kakib’ano jun elaq’ pa aninaqil ri’.

Nota Génesis Agustín 
Fotos Archivo 

Swiffy Output
COMPARTIR