K’o jun molaj elaq’omab’ xechapatajik e are kakib’an elaq’ pa Uwachwuj Kemamtzij ri’

268

Aretaq xb’antaj jun nim tzukunem kumal ri tzukunelab’ rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), xb’antaj kowinem xeq’atexik xechapik jun molaj b’anol k’ax kakib’an elaq’ pa taq le uwachwujil pa Kemamtzij ri’.

Pa jun komon chajinem tzukunik xb’antaj kumal ri eqa’lenelab’ rech ri PNC xuquje’ kumal ri q’atolt zij rech ri Ministerio Público (MP), k’o 27 chi tzukunik xb’an pa taq le juyub’ tinamit rech Iximulew, rech Chimaltenango xuquje’ pa El Progreso, chi’ k’ut e k’o 9 chi winaq xechapataj uloq.

Chi ri xechap uloq are jun xchapatajik ri taqanel rech jun molaj b’anol k’ax ri’ ub’I’ Walter Ernesto Rubio, kab’ix El Ingeniero che xuquje’ e k’o 7 winaq chik xechapik ri xch’ob’otaj kuwach are kib’i’: Patricia Vaneza Hidalgo, a Walter Martínez Estrada, a Víctor Manuel Socoy, a Luis Eduardo Padilla Maldonado, a Vicente Ramírez, a Carlos Maximiliano Aquino Vargas xuquje’ a Lester Yovani Ochoa Palencia, ri kab’ixik eri umak are b’anow elaq’, choman b’anow k’ax ri’, choman b’anow elaq’ ri’ xuquje’ rumal xuwaj rib’ ri’.

Eri xechapatajik kab’ixik are b’anow elaq’nik aretaq xkik’ayij jastaq pa uwachwuj pa kemamtzij ri’, xetojinik ruk’ wujpwaqil ri man k’ot pwaq rech kak’ex ri’ rumal ri’ kab’ixik k’a pa ik’ diciembre rech 2013 k’a pa kamik qaraj k’o ri’ keb’ q’inomalil pwaq xkeleq’aj ri’.

Chuxo’l taq ri jastaq xkeleq’aj ri’ k’o ri’ jun chakub’al rech yakon ja, ruk’ nik’aj ch’ich’ rech eqa’nib’al ri’, ruk’ ch’uti’n taq ya’b’al q’aq’choq’ab’il ri’, ruk’ nik’aj ya’b’al q’aq’alil ch’ich’ ri’ xuquje’ ruk’ jun kejach’ich’ kajib’ raqan ri’.

Rumal ri tzukunem xb’an ri’ pa taq le ik’ rech juli’ pa agosto pa we junab’ ri’, k’o 18 chi b’anow elaq’ xq’atataj ri’ junam ruk’ Q. 1 millón 19 mil 400 chi pwaqil rech Iximulew pa ronojel ri’.

Eri Taqanel rech División Especializada rech Investigación Criminal (DEIC), Comisario Benito Hernández xuya’ ub’ixik che pa taq le tzukunem xb’anik e k’o k’ut 300 eqa’lenelab’ rech ri Wokajil Ajchajil Tinamit xekojik, e k’o chi ke xetaqik ri rech Unidades Antinarcóticas, ri rech ri Fuerzas Especiales (FEP), ri rech ri Antiexplosivos (DIDAE), e k’o Eqa’lenelab’ rech caninos K -9 xuquje’ e k’o Ajtzukunelab’ rech ri Jumulaj Ajchajil Tinamit ri’ xetaqik.

COMPARTIR