Xechapataj jun molaj elaq’omab’ kib’i’kab’ixik “Nik’aj Maiceros”

141

Kab’ixik e are e k’o pa jun molaj elaq’omab’ e ajb’anol k’ax kakeleq’aj ixim k’ut kib’i’ “Nik’aj maiceros”, e lajuj chi ke xechapatajik kumal ri wokajil ajchajil tinamit ri’, aretaq xb’antaj ri 21 chi tzukunem pa Chinab’jul, pa Xe’laju’ xuquje’ pa Nimatinamit ri’.

Eri tzukunem xb’an chi ke ri’ eri ixim, ri kinaq’ xuquje’ ri aros man ya’tal taj rech kakitij tane’ winaq ri’ xuquje’ are ri’ xkikoj loq pa we juyub’ ama’ ri’ cho taq’ k’ulb’a’t juyub’ ruk’ México rech te k’u ri’ kakib’an che kojpa’ tane’ rech ri cholchak ri taqawokaj pa amaq’ ri’ ub’i’ kab’ixik“Pacto Hambre Cero”, rech kakijach chi ke taq ri jawinaq e achalalil ri man k’ot karajil rech kakiloq’ tane’ kiwa’ kirikil ri’.

Eri b’anow tzukunem chi rij ri man utz xkib’ano are man k’ot  k’ax xkib’an che uloq’ik ri’ paQ492 millones 930 mil, are loq’oq’em xkib’an chi kuwach ruk’ ri Ministerio rech Agricultura xuquje’ ruk’ ri distribuidora ub’i’ “El Bodegón”, rech xkitoj ri jun (1) millón 500 mil wuj resab’al rech ri kakik’exo chuwach ri rikil kaya’ chi ke, aretaq eri taqawokaj patanel amaq’ xtaq ukojik ri Estados rech Calamidad pa Tinamit pa waqlajuj (16) juyub’ tinamit rumal ri jab’al sib’alaj katajinik.

Emu wa’ ri jun wujil rech b’anow chak patan ri’ man k’ot jumul xunimax tane’ ri tam chupam rumal ri Taqanik ri Taqawokaj pa Amaq’ rech b’anow loq’o’manik ri’ xa’rumal k’ut eri empresa ub’i’ “El Bodegón” man rachoch uk’olib’al tane’ k’o wi’ xuquje’ man reta’m taj ub’anikil loq’o’manem xuquje’ uk’iyaxik ri’ ruk’ ujachik tane’ ri ixim ri’.

Eri viceministro rech seguridad, Ricardo Guzmán, xuya’ ub’ixik che ri jun molaj elaq’omab’ b’anol k’ax ri’ are uk’amal b’e chi ke rumal ri jun achi ub’i’ Jorge Luis Alvarado López xuquje’ eri ajq’axal ub’ixik, eri ajchak ri’, eri ajloq’omanelab’ kuk’ ri ajb’insal ch’ich’ ri’ keta’m juntir ri katajin ub’anik xa’rumal kiya’om ub’ixik chi kuwach ri’ chi rij ub’anikil ri b’anow k’ax tajin xkib’ano.

Pa taq le tzukunem xb’antaj ri’ e k’o e 250 eqa’lenelab’ rech ri Wokajil Ajchajil Tinamit, xuquje’ kuk’ ajtzukunelab’ xuquje’ ri q’atol tzij rech rech ri Ministerio Público ri’.

Eri xechapatajik e are k’ut: a Jorge Luis Alvarado López, kab’ixik are ajk’amal b’e, a Aroldo López, a Daniel Calderón, e are e ajk’utul ub’anik k’ax ri’. Eri a Abner Leonel Morales ruk’ ri a  Johnny López, e ajb’anol rech ri’. Eri a Nery Dubón, are ajloq’onel. Eri a Santos Mérida, ajb’inisal ch’ich’ ri’, eri a Elmer Alberto López are ex ministro rech agricultura xuquje’ eri nik’aj ajmeb’ilem eri a José Hernández xuquje’ ri al Rosa Hernández ri’

Nota: Génesis Agustín.

Fotografías: Roberto López.

Swiffy Output
COMPARTIR