Xechapataj jun molaj elaq’omab’ e are kab’ixik xkeleq’aj Q. 833 millones

256

K’o jun k’iyalaj tzukunem xb’antaj pa taq saqarib’al we kamik rech xechapik e 7 winaq taqom kichapik rumal kab’ixik e uwinaq jun molaj elaq’omab’ kakipoq’saj pwaq maj pa usaqil ri’, ri kab’ixik keb’ junab’ chik ketajin che b’anow k’ax ri’ rumal k’ut k’o Q 833 millones chi pwaqil xkipoq’saj maj pa usaqil ri’.

Eri jun b’anow k’ax kib’anom are ub’i’ El Reparto pa kaxlantzij, ri xmajtaj loq tzukunem chi rij ri’ pa le junab’ 2014, aretaq xya’ loq ub’ixik pa q’atb’altzij rumal ri Intendencia rech Verificación Especial chi rij q’axin nim pwaqil man usaqil ri’.

Pa ronojel k’ut k’o 9 chi tzukunem xb’antajik pa taq le juyub’ rech Petén, Izabal xuquje’ pa taq Chinab’jul ri’, chi k’ut xechapataj wi e 6 chi winaq ri’ kab’ixik k’o poq’san pwaqil ruk’ nik’aj chik jastaq maj pa usaqil ri’.

Eri nik’aj winaq xechapatajik e wari’: a Israel Urbina Ortiz, a Elmer Josué Pinto, a Adelso Rodríguez Mejía, a Marlon Estevi Vega Menéndez, a Oscar Noé Osorio Velásquez xuquje’ al Gumercinda Osorio Rosales.

Eri Subdirectro General rech ri Investigación Criminal rech ri Wokajil Ajchajil Tinamit, Stu Velasco, xuya’ ub’ixik che ri xechapatajik ri’ are karaj kachapik ri ixoq ub’i’ María Gonzala Rivas López, ri xya’taj ub’ixik che uwam rib’ rech rumal karaj taj kachapik xuquje’ ri taqom chik uya’ik ub’ixik rech pa kachap loq pa taq le 192 nimatinamit ri’.

Eri Velasco kub’ij che ri jun tzukunem chi rij ri’ are k’o nim kupatanij ri’ xa’rumal are xuya’ pa retal rech xechapik e jun molaj b’anol k’ax kakib’an elaq’ poq’san pwaq ri’ rumal k’u ri’ eri tzukunem chi rij ri’ are rech kach’ob’ik jas upetib’alil ri pwaqil ri’.

 “Rumal le nim pwaqil xya’taj ub’ixik ri xkipoq’saj maj pa usaqil ri’, are kupatanij ri tzukunik chi rij rech kach’ob’ik jas le upetib’alil ri pwaqilem ri’, ri qaraj are upetik pa kiq’ab’ ri nuk’wokaj b’anol k’ax kamisanik ri’, chi’ k’ut kape wi kab’ixik ri uk’u’x pwaqil ri’ ri kab’ixik xraqatajik ri’”, xcha’.
Xuquje’ xya’taj ub’ixik che man tzij taj kab’ixik che ri ixoq ri’ María Gonzala Rivas, xesax b’ik pa kiq’ab’ ri q’atb’altzij ajchajil tinamit ri’, rumal ri’ katajin ri komon chomanik chi rij ri wokajil rech ri PNC, ri keraqataj chik pa saq rech keb’ek che utzukuxik pa juntir we amaq’ ri’ chi la’ pa k’ulb’a’t juyub’ ruk’ Iximulew ri’, rumal ri’ k’o jun korlim ya’olchajinik pa juntir taq najtinamit ri’, rech kaq’atexik wexa’ kilotajik kub’an jun itzel b’anow k’ax elaq’nik ri’.

COMPARTIR