Xechapataj jun Molaj B’anol K’ax che ri xkitoq’ij pwaq chi ke winaq pa Chimaltenango

313

Eri q’atb’altzij rech ri Ministerio rech Gobernación xuquje’ ri rech ri Ministerio Público xetatb’enik pa jun nim ya’oltzijolinem rech xya’taj ub’ixik jas ri ub’anikil xb’antajik chi rij kichapik ri jun molaj b’anol k’ax kib’i’ “Locos Centrales” rech ri mara Salvatrucha ri xkib’an k’ax pa le tinamit rech Chimaltenango.

Eri Viceministro rech Ya’olchajinik, Ricardo Guzmán xuya’ ub’ixik che xb’antaj kowinem we jun b’anow chajinem tzukunik ri’ pa komonb’alil ri’ kumal ri ajtzukunelab’ rech ri Wokajil Ajchajil Tinamit  –PNC- xuquje’ rumal ri Ministerio Público –MP-, ri xuya’ uno’jixik kiterenb’exik kichapik ri jun molaj b’anol k’ax pa konojel ri’.

Eri tzukunik xb’an chi rij ri jun molaj b’anow k’ax ri’ xuq’alajisaj che ri k’ax are xkib’an k’ut pa taq le juyub’ tinamit rech El Tejar xuquje’ pa nimatinamit rech Chimaltenango, kab’ixik e k’o 12 winaq kikamisam ri’ xuquje’ k’o k’i toq’inik pwaq xkib’an chi ke ri wokajil ajchoq’e ch’ich’ rech erelwinaq ri’, jeri’ chi ke ri e ajk’ay xuquje’ chi ke ri winaqil chi’.

Eri tzukunem xb’antaj chi kij ri’ are xnatib’ jun junab’ ruk’ oxib’ ik’ rumal ri’ kab’ixik eri jun molaj b’anol k’ax ri’ k’o jun millón 374 chi pwaqil xkimol pa le b’anow toq’inik pwaq ri’.

Rech xb’antaj kowinem xechap ri jun molaj b’anol k’ax ri’ kumal ri’ PNC k’o 21 chi tzukunik xb’an chi kij ri’ pa le Juyub’ Tinamit rech Chimaltenango, chi k’u ri’ xb’antaj kowinem xechap e 10 winaq chi ke ri’ chi kuxo’l k’ut k’o jun ak’al na xraqataj chi ke xuquje’ k’o 17 ch’a’wb’alil xraqataj kuk’ ri’.

Eri Subdirector rech ri Investigación Criminal -SGIC- , Stu Velasco, xuya’ ub’ixik che ri jun ch’ob’ow xb’an chi kij ri’ xuq’alajisaj ri ub’anikil ri b’anow k’ax xkib’an ri molaj b’anol k’ax ri’ pa le juntir ri juyub’ tinamit rech Chimaltenango chi’ k’u ri’ ri Wokajil rech Investigación Criminal rech ri DEIC  xuquje’ chi rij b’anow k’ax che kik’aslemal winaq ri’, e are k’ut xkib’an ri tzukunem chi kij ri’ xa’rumal ri’ xb’antaj kowinem xechapataj nik’aj winaq b’anol k’ax ri’ we kamik.

Eri xechapatajik ri’ kab’ixik k’o kamisanik kib’anom, k’o itzel b’anow k’ax kib’anom ri’, k’o itzel b’anow k’ayinik kib’anom ri’, k’o awan jastaq maj pa usaqil kika’yim uwach ri’, xuquje’ k’o toq’inik pwaq kib’anom chi ke e ajchoq’e ch’ich’ erelwinaq ri’, xuquje’ k’o ch’a’wb’alil kik’amom b’ik pa Japache’ ri’ rumal ri b’anow taq k’ax ri’ k’o 6 pa 50 junab’ ketaq pache’ ri’.

Eri xechapatajik xch’ob’otaj kuwach e are k’ut: a Luis Pedro Zúñiga Palma, al Gloria Yanira Méndez Solomán, al Rosario Concobá González de Aquino, a Santiago Antonio Solórzano Pérez, a Jorge Manuel Chicol Sir, al Zeidy Floricelda Chávez Rivas, al Yenifer Yomira Chávez Rivas, ri a Edgar Leonel Chay Ardón, al Vilma Lorena Solórzano Pérez xuquje’ ruk’ jun ali taqal na ri’.

Eri Viceministro Guzmán xk’is ub’ixik che ri xechapataj we kamik ri’ kaq’alajinik ri k’ax kib’anom ri’ rumal ri’ ketaq pache’ ri’ xuquje’ rumal wari’ katerenb’ex uya’ik chajinem chi ke ri winaqil tinamit pa Iximulew ri’.

COMPARTIR