Xchapataj jun molaj b’anol k’ax che ri xkimol Q2 millones chi pwaqil pa le utoq’axik chi ke ri winaq ri’

149

E k’o lajuj chi b’anol k’ax rech ri barrio 18 xechapatajik, kab’ixik erik kimak e jun molaj winaqil e b’anol k’ax ri’ kab’ixik e are kakib’an k’ax chi ke taq e ajk’ayib’ ri’, jeri’ chi ke e ajb’insal ch’ich’ xuquje’ chi ke winaq ri’ k’a pa le 2011, e are ri’ xechapataj rumal ri Wokajil Ajchajil Tinamit (PNC), pa 160 chi tzukunik xb’antaj pa jo’ob’ uwach tinamit rech pa we amaq’ ri’.

Eri xechapatajik e are taq wa’: eri a Geovany Isidro Gómez Romero, a Marvin García Prado, a Irma Yolanda Hernández, a Marin López, a Gloria Rodas, a Carlos Gamboa, a Sandra Chacón, a Andrés Ramos Soc, a Maria Prado Palacios xuquje’ a Byron Pérez Escobar.

Eri b’anow tzukunik ri’ e are xuq’alajisaj che ri jun molaj b’anol k’ax kab’ixik keb’ kuwach ri’ rech ri barrio 18 xuquje’ kab’ixik e are kakib’an k’ax pa taq nimatinamit ri’, rumal kab’ixik xekowinik xkimol man pa usaqilal ri’ Q2 millones 151 mil 100 are pwaqil ri’ xkesaj chi ke wnaq ri’, pa le waqib’ junab’ k’ax xkib’an ri’.

Eri b’anow ya’olchajinem tzukunik ri’ are nim pa ub’anik xb’an Iximulew ri’, pa Xe’laju’, pa Suchitepéquez, pa taq Chinab’jul xuquje’ pa Escuintla, chi k’u ri’ e k’o jun mil 120 chi eqa’lenelab’ chajin tinamit, kuk’ 360 ajtzukunelab’, kuk’ ajsak’ajil e esal k’aqb’al poq’ab’al ri’ xuquje’ kuk’ ri q’atol tzij rech ri Ministerio Público xetaq b’ik chi’.

COMPARTIR