Xqaj uchuq’ab’ rajilab’al ri b’anow k’ax pa le Awas Q’ij ri’

120

Eri Komon Wokajil Ajchajil Tinamit k’o k’i ya’olchajinik xkib’an chi ke ri winaq pa le Awas Q’ij ri’. Are wa’ ub’eyal uwach ri’ che ri xya’ pa retal chi ke ri Wokajil Ajchajil Tinamit ri’ rech xq’atataj nim rajilab’al ri b’anow k’ax kamisanik ri’ che taq umeb’ilem amaq’ tinamit ri’

Eri q’atb’altzij xkiya’ ub’ixik eri uwachinik ri ya’olchajinik ri’ xuquje’ ruk’ kitob’anik ri winaqilal ri’ rumal ri’ eri rajilab’al ri b’anow k’ax ri’ are xqaj loq pa jun 21% ri’ pa taq le Awas Q’ij ri’ man junam ta ri’ ruk’ ri xk’ulmataj pa le 2016 ri’. E pa taq le juyub’ tinamit rech Iximulew, pa Xe’laju’ xuquje’ pa Santa Rosa k’o k’i rajilab’al xq’atataj ri b’anow k’ax pa we amaq’ ri’.

Eri nab’e taq rajilab’al xesaxik xq’alajisaj eri winaq xkisak kib’ are xqaj loq pa jun 10%, pa le 2016 are chi’ e k’o 114 winaq xkisaq kib’ ri’ man junam ta ruk’ ri 103 che ri xesakatajik pa le junab’ 2017.

Jeri’ ri winaq xekamik xqaj loq pa kajilab’al pa jun 17%, pa le junab’ 2016 e chik pa le Awas Q’ij ri’ e 89 kamisanik xb’antaj ri’ e 74 xekamik pa le junab’ 2017 ri’. Are xekamik ri’ pa taq le q’ij lunes, viernes xuquje’ pa sábado are chi’ e k’i winaq xekamik ri’.

Eri Wokajil Ajchajil Tinamit xutaq jun nim maltyoxinik chi ke konojel taq ri winaqilal ri’ rumal kitob’anik xkiya’o ruk’ ri Wokajil Ajchajil Tinamit ri’ xuquje’ xuch’ob’o’ che we xa’rumal ri kichak kipatan xkinimaj uwach ri e 37 mil eqa’lenelab’ che ri xechajin pa le Awas Q’ij ri’.

COMPARTIR