Eri Nima K’amal b’e Amaq’ Jimmy Morales, kuk’ ri q’atb’altzij rech ri Ministerio rech Gobernación xuquje’ kuk’ ri q’atb’altzij rech ri Wokajil Ajchajil Tinamit ri’, xek’ob’ pa ka’yem pa le nim cholb’inik xb’an kumal juntir ri wokajil taq ajchajil tinamit ri’, xuquje’ kumal ri jumulaj taq ak’alab’ e k’o pa chajixik pa chajib’al xuquje’ tijob’al rech ri wokajil ajchajil tinamit ri’, pa le cholb’inem ri’.

Eri eqa’lenelab’ ajchajil tinamit sib’alaj xecholb’inik xewa’katik puwi le sexta avenida rech xeb’ek suk’ kitaqim panoq rech xe’ok’ow chuwach le Palacio Nacional pa uk’u’x tinamit ri’, chi’ k’u ri’ xkiya’ wi jujun taq k’utb’al keta’mim are ri’ xkib’an uk’utik chi kuwach ri q’atb’altzij chi’ xuquje’ chi ke ri winaq tinamit chi’.

E k’o taq ak’alab’ ali ala, kalk’uwal le eqa’lenelab’ ri’, e are jun kikojom katz’iyaqb’alil ri’ e b’enaq pa le nim cholb’inik ri’, xuquje’ ri e are xkiya’ rutzil kuwach le q’atb’altzij chi’, eri winaq tinamit chi’ sib’alaj xkilajila’ kiq’ab’ chi kij rumal sib’alaj utz rilik xib’ano, eri taq ak’alab’ ri’ rech k’ut ri Chajib’al xuquje’ e rech taq ri Tijob’al rech ri Wokajil Ajchajil Tinamit ri’, xuquje’ e are jun ri kesam rachib’al ri’ le Comisaría ruk’ le Subcomisaría rech ri PNC ri’.

K’o lajb’an q’ab’aj xb’an chi kij ri’

Chi kijujunal pa kiwokajil ri ajchajil tinamit ri’, k’o nim lajb’an q’ab’aj xb’an chi kij, je ri’ chi ke taq ak’alab’ ri alaj taq ala taq ali e kojom b’ik che comiarios, subcomisarios xuquje’ kuk’ ri e kojom b’ik che e ajchajinel pa le chajib’al kech, e achb’ilam b’ik kumal ri Jumulaj kib’i’ Lobos Grill, kikejem b’ik kach’ich’ kewa’kat chi rij ri’ k’o jun je’alil yab’al rutzil kuwach le winaq xkib’an chi’ aretaq xe’ok’ow pa le sexta avenida rech ri zona 1 pa uk’u’x nimatinamit ri’, xuquje’ e are jun ri jumulaj sak’ajil ajchajinelab’ kib’i’ Halcones e ajq’atil chi ke ri ajk’ayin awan kunab’al ri’.

Swiffy Output
COMPARTIR