Xmuq ri ajchajin tinamit che ri xkamik pa unimaxik uchak upatan ri’

266

“Sib’alaj kinmaltyoxij che ri Qajawixel Chikaj rumal uj k’o chi’ rech kaqak’ask’atej ri xk’ulmaj ri eqa’lenelab’ xkamik ri’ Alex Obdulio López, xuquje’ are kaqaqxa’nij puq’ab’ ri’ xuquje’ qeta’m k’ut che qastzij b’a’ kuk’am ranima’ ruk’ ri’ rech kerichb’ilaj ri e utyox winaq ri’”, xcha’ ri Minstro rech Gobernación, Francisco Rivas Lara, pa le k’isb’al loq’ob’al xya’taj che ri eqa’lenel chajin tinamit ri’ che ri xkamik aretaq xkik’aq qib’ chi kuwach kuk’ nik’aj kamisanelab’ pa le Colonia 4 de Febrero, pa le zona 7.

Xub’ij chik, “We nik’aj kamisanelab’ ri’ che ri ketajin che ub’anik k’ax chaqe sib’alaj kaqataq b’anow tzukunem chi rij ri’, kaqaterenb’ej kij ri’, rech keqak’am b’ik pache’ ri’ chi’ k’ut are tz’aqat chi ke ri’”.

Xuquje’ kaqechb’ej che we kamik ri’ kaqaya’o juntir qatob’anik che ri K’amal b’e rech ri PNC ri’, chi ke ri Q’atb’altzij Chajin Tinamit ri’, xuquje’ chi ke juntir ri wokajil ajchajin tinamit ri’, rech b’a’ keq’atexik juntir nik’aj b’anow k’ax ri’.

“Kinb’ij b’a’ chiwe rech mi tanab’o ib’e kixok b’a’ che qastzij ix k’amal b’e pa le unimaxik ri ichak patan kixtajin che ub’anik ri’, xaq miya’ kib’e ri b’anol k’ax rech ke’ek’ow chiwach ri’, kaqachomaj b’a’ qib’, ma k’o kiya’ kan kuxo’l ri’, chkojo b’a’ juntir uchuq’ab’ ri’, chkojo’ b’a’ ichuq’ab’ rech kito’o iwib’ ri’ xuquje’ chkojo’ b’a’ uchukub’al ri Taqawokaj pa le kiq’atexik ri nik’aj b’anol k’ax ri’ rech kakib’an ta chik k’ax chi ke ri winaq tinamit ri’ xuquje’ chiwe ix”, xcha’ ri Taqawokajnel ri’.

Rumal ri’ eri K’amal b’e rech ri PNC, Nery Ramos xuya’ ub’ixik che ri e ajchajin tinamit ri’ are wa’ kakipatanij rech kakiq’atij ri nik’aj b’anol k’ax ri’, rech te k’u ri’ kak’oji ri joremal ri’, rech te k’u ri’ pa amaq’el kanimaxik ri taqanem ri’ ruk’ ri ya’talil winaqil xuquje’ rech qastzij b’a’ keta’ik ri ri winaq tinamit ri’.

COMPARTIR