Sib’alaj utz kichak xkib’an ri eqa’lenelab’ rech ri PNC pa le uq’atexik ri ch’oj pa El Estor, Izabal

103

E k’o 500 eqa’lenelab’ rech ri Wokajil Ajchajil Tinamit (PNC) xetaq panoq pa tinamit rech El Estor, Izabal rech xakiq’atij ri ch’ojinik chi la’ ri xkam wi jun winaq ri’, ri k’o e 7 chi eqa’lenelab’ xesakataj ri’ xuquje’ ri xk’atisax wi jun Uk’olib’al Ajchajil Tinamit ri’ xuquje’ ri xk’atisax wi ri rachoch ri ajkalte ri’.

We jun ch’ojinik ri’ are xk’ulmataj ri’ pa le k’isb’al wuqq’ij kanoq ri’ kumal jun molaj winaq che ri tajin kakich’ojij rech kesax jun minera chi’, chi’ k’u ri’ xetaq wiri’ jun molaj eqa’lenelab’ rech ri Fuerzas Especiales rech Ajchajil Tinamit (FEP) chi’ xek’ul wi che k’aqb’al kumal ri winaq e ch’ojirnaq chi’ rumal ri’ e k’o 7 eqa’lenelab’ xkisako xuquje’ xkam chi’ jun K’amal b’e komon ri’ ub’i’ Carlos Caal.

Xuquje’ aretaq xkiporoj ri Subestación no. 61 ri’, ruk’ jun kejach’ich’ xuquje’ ri rachoch ri Ajkalte chi’.

Chi’ xopan wi ri Stu Velasco, K’amal b’e rech Investigación Criminal (SGIC), ri xuya’ ub’ixik che xmajtaj jun tzukno’jchak chi rij ri b’anow k’ax xb’antaj ri’ rech kechapik ri winaq xeb’anow ri k’ax chi’ xuquje’ ri xkikamisaj ri jun achi’ ri’.

“Eri Ministro rech Gobernación, Francisco Rivas Lara xuquje’ ri K’amal b’e rech ri PNC, Nery Ramos Ramos, ri xkitaq b’ik ri jun molaj ajchajinelab’ rech ri Jachakunb’al rech Q’atel Kikamisaxik Winaq ri’, rech katzukux uwach ri ukamik ri a Caal chi’ xuquje’ rech kilik jas kib’antajik keraqataj ri e 7 eqa’lenelab’ rech ri wokajil ajchajil tinamit che ri xesakataj chi’ pa le kichak kipatan xakinimaj ub’anik chi’”, xcha’ ri Velasco.

Xuquje’ xe’usik’ij ri winaq tinamit rech pa jikomal kakich’ojij we k’o kakich’ojij ri’, maj ub’anik k’ax che ri kijastaq kib’antajil ri winaq tinamit ri’ xuquje’ wexa’ k’o kakiya’o loq ub’ixik ya’talil ri’ kech’a’w loq pa el ch’a’wib’alil 1561 rech Ajchajin Tinamit ri’ rech kakitzuq loq wexa’ k’o kakiya’ loq ub’ixik rech q’alajisab’al chi rij we jun k’ax xb’antaj ri’.

Eri eqa’lenelab’ che ri xetaq b’ik chi’ e are k’ut ya’talil pa kiq’ab’ rech kakiq’atij ri ch’ojinik b’anow chi’ xuquje’ rech kakikub’isaj kiwa’katik ri winaq chi’, pa amaq’el jacha’ taqoninaq wi ri taqanem pa le unimaxik kuwach ri winaqil ruk’ ri taqanik ri’.

Eri xporoxik ri’ aretaq xporox ri Subestación rech chajin tinamit ri’ xopan pa Q.400 mil chi pwaqilem rajil ri’.

COMPARTIR