Xesach ri K’amal b’e rech ri Wokajil Japache’ rumal xresaj rib’ chi’ ri jun ixoq ub’i’ “Ri Patrona”

96

Rumal xraj rib’ rib’ ri jun ixoq ajpache’ ub’i’ Maritza Lemus, q’ab’em ub’i’ kab’ixik “Ri Patrona” pache’ k’o pa le Mariscal Zavala, eri Ministro rech Gobernación, Francisco Rivas Lara, xuya’ utzijol che xutaq uk’exik ri jun ajk’amal b’e rech ri Wokajil Japache’ ri’, Nicolás García Fuentes xuquje’ are ke’l kanoq pa uk’exel ri’ ri k’o che ukab’ k’amal b’e ri k’o we kamik ri’.

Xuquje’ eri Rivas Lara xuya’ ub’ixik, che k’a aretaq xuto utzijol xresaj b’ik rib’ ri Lemus pache’ ri’, pa aninaqil k’ut xkoj jun molaj ajtzukunelab’ chi rij ri’ rumal ri Wokajil Ajchajil Tinamit (PNC), rech kakitzukuj kakiraq ri’ le jun ixoq ajpache’ ri’ le kamik ri’ are k’ut ri qas katajin utzukuxik pa we amaq’ tinamit ri’ xuquje’ xya’taj ub’ixik chinaq kilow rech kub’ij loq ya’talil ri’ 50 pa 100 mil pwaqilem chi rij ri’, rech katojik chinaq kab’in loq rech ri karaqataj wiri’.

“Eri Ministerio Público xopan k’ut pa le xk’ulmataj wi ri k’ax ri’ xuquje’ katajin che umolik juntir taq uwach tzijol chi rij ri’, chi’ che qas qaraj xresaj wi b’ik rib’ ri’, eri tzukunem katajin ri’ rumal q’atb’altzij xuquje’ pa le wokajil chak patan are kab’an ri’ xuquje’ are keyexik aretaq kak’is uwach taq ri b’anow tzukunem ri’ rech te k’u ri’ kaya’ utzijol chi ke ri winaq tinamit ri’”, xcha’ ri Taqawokajnel rech Ya’olchajinik ri’.

Eri Ministro sib’alaj xuya’ ub’ixik che ri Lemus man xq’axix taj, man k’ot q’atb’altzij xtaqan rech ri’, rumal ri’ sib’alaj rajawaxik kilik kach’ob’ik jas ub’antajil xya’tajik pa le xresaj b’ik rib’ ri’.

Ri b’anow tzukunem chomanik katajin ri’

“Rumal k’ut xk’ulmataj we jun k’ax ri’ rajawaxik k’ut keqak’exo ri q’atb’altzij ajchajinelab’ keraqataj pa le japache’ Mariscal Zavala jeri’ pa le K’amow ub’e ri Wokajil Japache’ ri’, rumal ri ub’anikil che ri xuya’o pa k’ax ri b’anob’al ya’olchajinik ri’, jeri’ pa taq k’iyalaj japache’ ri’, ri are wari’ kuya’o maj kub’sib’al k’ux’ pa we amaq’ tinamit ri’”, xcha’.

Eri Rivas Lara xuya’ ub’ixik che xuta jun nimtoq’ob’ che ri Fiscal General xuquje’ che ri Corte Suprema rech Justicia, che man keq’axax  ta chik ri e ajpache’ ri sib’alaj kib’anom, jacha’ kib’anikil ri mara 18 xuquje’ ri Mara Salvatrucha, are rech kakojik ri videoconferencias jacha’ ri k’o pa le taqanem chi rij ri’ rech areaq kechomaxik ri’.

Ri k’ak’ k’amal b’e ri’

Chi rij ri k’ak’ k’amal b’e ri’, eri Ministro xuya’ ub’ixik ucholajil ri’ katajin k’ut qas rilik kib’antajil ri k’ak’ kik’aslemam ri e ajcho’el ri’ rech kilik chinaq chi ke kekoj pa le jun nimachak patan pa le ya’olchajinik ri’, rech kilik we k’o ranima’ uchomab’al ruk’ ri japache’ ri’ xuquje’ we k’o utzij uwach ruk’ ri Wokajil Japache’ ri’ xuquje’ are rech kab’antaj kowinem kaq’at ukojik jun k’ak’ taqanem pa le uchak upatan ri japache’ ri’ xuquje’ rech k’o pa usaqil ri’ xuquje’ rech kusaqab’isaj uwach ri chak patan chi’, rech man k’ot chik b’anow k’ax elaq’nik kab’an pa le wokajil ri’.

COMPARTIR