B’anow Chomanik rech xesaxik ri ajchajinel pa kiq’ab’ nik’aj b’anol k’ax pa le Gaviotas

106

K’o nimalaj ya’olchajinik xkiya’o pa le kesaxik pa k’ax ri ajchajinel ri’, are ri’ qas xkiloq’oj uwach ri K’amal b’e ri’, Carlos Lemus xuquje’ ri K’amal b’e rech ri Ya’olchajinik Tzukunem ri’ Erwin Mayen rech ri Wokajil Ajchajil Tinamit (PNC) xkiya’o ub’ixik che ri b’anow chomanik ri’ are jun uk’u’x chokonsab’al che xkojik pa le resaxik jun ajchajinel pa k’ax pa kiq’b’ ri e 43 e ajpache’ che ri e k’o pa Centro Juvenil rech Privación kech Alab’om ri’, pa le zona 13.

K’a pa taq le wuqub’ rech saqarib’al eri e 33 ri’j winaq ri’ kuk’ ri b’elejeb’ e ajpache’ pa le Centro Juvenil e k’o kajib’ achijab’ xkiyut kuk’, are rech xkaj kaya’ utzalaj taq kiwa’ kirikil ri’, rech kak’ex ri katz’iyaqb’al xuquje’ rech ya’talil kopan kich’ab’exik kumal taq ri kachalal ri’.

Eri oxib’ ajchak pa le tz’apib’alil ri’ xe’esax b’a’ pa k’ax chi’ xuquje’ xek’am b’ik ri’ pa le Instituto Guatemalteco rech Ya’olkub’sib’al k’u’x chi ke winaq ri’ (IGSS), xaq e tech’em ri’ e sakom ri’.

Pa le junlajuj kajb’al rech saqarib’al ri’ k’o jun b’anow chomanik xkib’an chi kuwach ri Q’atb’altzij rech ri PNC, ri Q’atb’altzij rech ri Ya’talil Winaqil (PDH), ri Procuraduría General rech ri Amaq’il (PGN), xekowinik k’o jun xkichomaj uwach ri’ rech xkichupisaj ri ch’ojinik pa le japache’ ri’ xuquje’ rech xekowinik jun ajchajinel pa k’ax chi’ xuquje’ rech xkiq’axaj pa le IGSS ri’.

Eri Lemus xuya’ ub’ixik che ri e 43 e ajpache’ ri’ kek’am b’ik ri’ pa q’atb’altzij chi rij ri b’anow k’ax xkib’an ri’.

Xkub’isaj ub’ixik che ri b’anow chomanik ri’ are qas xq’aten rech ri b’anow k’ax ch’ojinik ri’ xuquje’ eri e 33 e ri’j chi ke kuk’ le b’elejeb’ ak’alab’ chi ke kek’am b’ik ri’ pa q’atb’altzij chi rij b’anow k’ax ri’.

Jeri eri Mayén, xub’ij che ri b’anow chomanik are wa’ k’o nim kupatanij ri’ xa’rumal are kub’an upatan rech keresaj ri e chapom pa k’ax chi’.

“Rumal k’u ri’ pa aninaqil xb’antaj kowinem xchupisaxik ri b’anow k’ax pa le Centro Juvenil ri’ xuquje’ eri ajchajinel xb’antaj kowinem xetaq pa kunanem ri’”.

Swiffy Output
COMPARTIR