Eri DIGESSP xe’uxim pa q’atb’altzij ri Wokajil rech Ya’olchajinik che ri tojom ri’ rumal man k’ot pa usaqil ri chak ketajin che ub’anik ri’

157

Eri Dirección General rech Servicios rech Seguridad Privada (DIGESSP), xk’oji pa taq le tzukunem ya’olchajinik xb’an pa we q’ij ri’ pa taq ri tinamit rech Escuintla, pa San Marcos, pa Suchitepéquez xuquje’ pa Xe´laju’, rech xeb’e che kitzukuxik rech xakichapo ri wokajil kakiya’o chajinik tojom ri’ rumal maj pa usaqil ri chak ketajin che ub’anik ri’.

Eri ya’olchajinik ri’ pa we q’ij ri’ are uwachinem xuya’ pa retalil jun b’anow tzukunik xb’an rumal ri Wokajil Ajchajil Tinamit (PNC) xuquje’ rumal ri Ministerio Público (MP), rumal ri’ eri DIGESSP xe’uxim pa q’atb’altzij nik’aj wokajil che ri k’o ya’olchajinik kakib’ano man k’ot pa usaqil ri kichak tajin xkib’an pa taq tinamit pa we amaq’ ri’.

Eri ajtzijolinel rech ri wokajil ri’ Fernando Lucero xuya’ ub’ixik che katajin achb’ilanem che ri ya’olchajinik ri’, xa’rumal k’ut are ri taqawokajil ri’ ri ajsolil rech xuquje’ ri ajq’atol tzij chi rij taq ri nik’aj wokajil rech ya’olchajinik tojom ri’ xuquje’ rech jeri’ kunimaj ri q’atam pa le decreto  52 – 2010, Taqanik ri kuril ronojel uwach uchak patan kub’an ri Seguridad Privada ri’.

Eri ximonik ri’ are xkoj ri’ rumal ri DIGESSP aretaq xuk’am uq’ab’il reta’maxik kitzijol taq ri e ajchoq’e ri wokajil e tojom ri’ e are ri’ xesik’ixik pa le 31 rech mayo pa le 10 rech junio rech ri junab’ 2016 ri’, are chi’ xkiya’o ub’ixik chi rij taq wokajil che ri maj ya’tal ta chi ke rech kechakunik ri’.

Eri uwach ri ub’anikil tzukunik pa we q’ij ri’ rumal ri’ xtaq ub’anik ri jun nim ya’olchajinik ub’i’ Operación Águila kumal ri ajno’jinelab’ rech ri División rech Investigación xuquje’ Desactivación rech Armas ruk’ Explosivos DIDAE rech ri PNC, ri k’o 25 chi tzukunik xkib’ano pa taq kajib’ tinamit chi’ k’u ri’ xkinimaj wi ri keb’ uwach taqanik rech chapb’al kech winaq ri’ xuquje’ rumal ri’ xb’antaj kowinem xraqataj k’ut b’elejeb’ chi raqarik k’aqb’al ri’, 19 k’aqb’al chik ruk’ ub’aq’ ri’, ruk’ jun molaj chakub’al rech ri’, ruk’ radio transmisores xuquje’ ruk’ jun atz’iyaqb’al rech jun wokajil jachakunb’al che ri maj pa usaqil katajin che ya’olchajinik tojom ri’.

COMPARTIR