Chi rij k’ut ri xb’ixik rech ri jun nim poq’sab’al katzaq ri’ xuquje’ chi rij taq ri itzel tzij xya’taj ub’ixik pa uwachwuj pa kemamtzij ri’, eri k’amal b’e rech ri Wokajil Ajchajil Tinamit Nery Ramos, xuya’ ub’ixik chi ke ri jumulaj ajq’axal tzijolinik ri’ che ri tzij xb’an chi rij jun nim poq’sanik are man tzij taj xuquje’ man tzij taj che ri keleq’ax ri ak’alab’ pa taq ri tijob’al ri’.

“Ruk’ juntir uchuq’ab’ xkub’isaj ub’ixik che ri b’anow tzij xb’antaj ri’ man tzij taj, eri kikaj ri itzel winaq ri’ are kakimin xib’al ib’ chi ke ri winaq tinamit ri’ xuquje’ juntir k’ut le xya’ ub’ixik pa taq le WhatshApp, xuquje’ pa taq nik’aj chik xtaq wi ub’ixik man tzij ta ri’” xcha’ ri Ramos.

Xuquje’ xuya’ ub’ixik che katajin k’ut tzukunem chi rij jun b’anow k’ax ri’ rech kilik jawchi’ upetik ub’ixik ri’ xuquje’ rumal ri’ eri Wokajil rech Cibercrimen rech ri PNC sib’alaj katajin che b’anow tzukunik chi rij ri’ rech kach’ob’ik ri upetib’alil wi ri’.

Eri tzij kab’ixik ri’, are rech b’anow jo’snik ri’. Rumal ri’ eri Wokajil Ajchajil Tinamit chi jujunal katajin che tzukunik chi rij xuquje’ pa amaq’el katajin che ya’olchajinik chi rij ri’.

Ketaq na pache’ ri’

Xuya’ ub’ixik chik che ri tzij katajin ub’ixik ri’ k’o pa ch’ob’ow ri’, xa’rumal are wa’ ri kichak patan ri e ajchajil tinamit ri’ rech kakitzukuj uwach xuquje’ rech kech’ob’on chi rij taq kib’anikil ri winaq xeb’in loq je wari’ ri man utz ta kib’anikil ri’ xuquje’ are b’anow tzij ri’ xtaq pa uximik uwach pa le Ministerio Público xuquje’ e are k’ut kechoman rech ri’ rech k’ot tojb’al maj kakib’an chi rij chi ke ri winaq xeb’anow tzij ri’.

Eri Ramos sib’alaj xuya’ ub’ixik che ri wokajil ajchajil tinamit pa juntir keb’ uwach q’ij ri’ ruk’ ronojel taq uchakub’al kukoj uchuq’ab’ che b’anow tzukunik ya’olchajinik pa taq le wokja ri’ rech ke’utzukuj chinaq xeb’anow ri tzij ri’ rech ke’utaq pache’ ri’.

COMPARTIR