Eri k’amal b’e rech RENAP xkik’am ri wujilal rech ucha’ik ri Nima K’amal ub’e ri’

178

Eri Ministro rech Gobernación Francisco Rivas Lara are jun k’o pa le K’amow ub’e ri Wokajil pa Tinamit rech Kitzijol Winaqib’ ri’ RENAP, xtatb’enik pa jun molinem rumal ri Comisión rech Revisión rech ujachik ri wujilal rech kacha’ik ri K’amal b’e rech ri wokajil ri’.

Eri Comisión rech Usolixik ri’ are ri’ rajawtzij rech kak’am uwach ri wujilal ri’ aretaq xb’antaj ri sik’inik pa tinamit rech nab’e kasolixik ri wujilal rech kilik we tz’aqatisam ruk’ ronojel ri tam rumal ri taqanik ri’.

Jewa’ pa ub’anikil ri’ xjach pa kiq’ab’ ri e ajkomon rech ri K’amow ub’e ri RENAP ri’ le 16 chi wujilal ruk’ jun uwach kitzijol ri e ajcha’el pa le cha’onem ri’. Che ronojel ri taqom ri’ xaq xu’ wiri’ e wuqub’ (7) xkinimaj ruk’ ronojel ri xta ri’, ruk’ ri tzijol chak patan kib’anom ri’ ruk’ ri tijob’enik e kesam ri’ jacha’ ri xta ub’ixik panoq chi ke ri’.

Eri k’amal b’e rech ri Comisión rech Revisión xuya’ che ri 16 wujilal che xuk’ul panoq, 9 e ajcha’el ri’ man xkitz’aqatisaj taj ri wujilal che rajawaxik katz’aqatisaxik rech kicha’ik chinaq ko’k che K’amal b’e rech ri RENAP ri’.

Eri K’amal b’e rech ri Komonb’al chomanik rech ri RENAP ri’, Rudy Marlon Pineda, xuya’ ub’ixik che k’o jun lajuj q’ij ya’tal chi ke ri e ajcha’el ri’ rech kakinimaj ruk’ juntir ri xtaq ri’ rumal ri Comisión ri’ rech ya’talil katerenb’exik ruk’ ri jun b’anow cha’onem ri’.

Eri winaqib’ che ri xkijach kiwujil tz’aqatinaq ri’ xuquje’ e are ri’ kakiterenb’ej rij ri b’anow cha’onem ri’ e are ri’: le Heber Alberto López Alejandro, le Sergio Roberto Vinicio Barrillas Ramírez, le Rodolfo Estuardo Arriaga Herrera, le Rudy Eduardo Vitola, le Mario Rolando Sosa Vásquez, le Luis Humberto Chinchilla López xuquje’ le Walter Pérez Mendizábal Sandoval ri’.

Eri jun chik uq’axik uwach ri’ are ri ya’l ub’ixik pa le Diario Oficinal rech ri kib’i’ taq ri e ajcha’el ri’ rech kaya’ pa utzijoxik chi kuwach tinamit winaqil ri’ xuquje’ rech kajach k’u uloq pa wujil chinaq e utz chinaq e utz ta ri’.

Eri ucha’ik ri K’amal b’e rech ri RENAP ri’ are kab’an na pa taq le 21 q’ijol rech junio k’a pa le nab’e q’ij rech julio rech pa we junab’ ri’.

COMPARTIR