Tajin uchomaxik Ub’eyal ri chakunem rech Kawok ri Chomab’al rech Ya’olchajinik Uwachwuj pa kemamtzij pa Tinamit

245

Ruk’ utaqixik uterenb’enik rech kawok jun ub’eyal chomanik ri’ rech kuya’ ri b’anikil kab’an pa we amaq’ ri’ rech kuya’o jun ub’eyal chakunem rech kuta’ uwach ujastaqil we Amaq’ ri’ xuquje’ rech kuya’o uchuq’ab’il ri b’anow tijonem chi rij ri ya’olchajinik pa no’jb’anemil ri kib’antajik ri winaqilal rech qas kakik’am unimaxik ri’ xuquje’ rech ri Taqawokaj karechb’ej ri ujastaqil no’jb’anemil ri’, rech kak’iy uwach ri meb’il pwaqil ri’, rumal ri’ xmolin kuk’ ri Comité Ejecutivo, chi’ k’u ri’ xtatb’en wi ri Viceminsitro rech Tecnologías, Walter Girón, ri k’amal b’e xuquje’ q’atb’altzij chi rij we cholchak chomanik ri’.

“Chaqe uj are wa’ jun chak k’o nim upatanil rumal ri no’jb’anem kaqakoj k’ut pa taq ronojel q’ij, ri kakikoj ri’ le winaq pa kik’aslemal, pa kichak patan xuquje’ pa wokajil ri’ rumal ri’ sib’alaj rajawaxik kaya’ pa saq ri ub’eual chakunem ri’ rech tob’atal rij ri q’axaltzijol ri’”, xcha’ ri Viceministro ri’.

Xub’ij chik che pa le molin chomanik ri’ xya’ ub’ixik che kak’ex ub’i’ ri ub’eyal chomab’al ri’, “eri uj k’ut kujchoman rech ri chomab’al pa tinamit ri’ wexa’ k’o karaj kak’ex che, rech kakoj chi’ ri uwachwujil pa kemamtzij ri’, konojel k’ut ri amaq’ tinamit pa uwachulew we kamik ketajin che uya’ik kib’ pa chajinik ri’, man xaq ta chik cho taq ulew, je ri pa plow ri’ xuquje’ pa kaqiq’ cho kaj, xuquje’ katajin uchomaxik ri ya’olchajinik ri’ pa ukaj b’antajil, ri kab’ix ciberespacio”.

Xuya’ ub’ixik ucholajil che ri ciberespacio ri’ are ronojel ri’, man xaq ta ri’ le internet, xane’ are taq ri no’jb’anemil che ri amaq’ tinamit ketajin che ukojik ri’. Jacha’ ri xub’ij ri Girón, wexa’ k’o jun b’anow k’ax kab’an pa taq le uwokajil ch’a’wb’alil q’axaltzij ri’ rech pa jun amaq’, we amaq’ ri’ kaq’atataj uwach ri’, we ri pwaqb’al ja k’o b’anow k’ax kab’an tane che xuquje’ katanab’ ri’, ronojel k’ut ri no’jb’anem ri’ kojel rumal we jun amaq’ ri’ eri b’anow k’ax kutanab’o ri’ rumal ri’ konojel taq ri amaq’ib’ ketajin che ukojik we jun ukaj b’anikil k’olem ya’talil pa le ya’olchajinik ri’.

“Rumal ri’ kaqeye’j ri b’anow chomanik rech Ya’olchajinik pa tinamit ri’ are rech kukoj b’a’ ri ciberseguridad ri’ xuquje’ uj k’o ri’ pa le ub’eyal Chomanik pa Tinamit rech Ciberseguridad ri’, are wa’ jun uwach chak kojtajin che uchomaxik kajach pa ik’ junio rech pa we junab’ ri’ kajach rumal ri Comité Ejecutivo ruk’ taq ri wokajil ri pa komon kiya’om ruk’ ri Ministerio rech Relaciones Exteriores, ruk’ ri Secretaría rech Ya’olchajinik pa Tinamit ri’, ruk’ ri Ministerio ri Defensa, ruk’ ri Secretaría Nacional rech Ciencia xuquje’ Tecnología, ri  Secretaría rech Telecomunicaciones xuquje’ ruk’ ri  Ministerio rech Gobernación”.

 

COMPARTIR