K’o kemamtz’ib’ keya’ ri’ rech qas utz rilik ki’okik ri ajch’ab’inel pa taq le japache’ pa amaq’ ri’

369

Ruk’ wa’ k’o jun utzalaj yab’al ilonem pa ki’okik ri winaq pa le 22 uwach japache’ ri’ rech b’a’ qas utz ri ilonik kakib’an che ri’ rumal ri Sección rech Asuntos Antinarcóticos xuquje’ rech kakojik unimaxik ri Taqanik kumal ri Embajada rech ri Estados Unidos rech América (INL) ri xuya’ le 22 chi kemamtz’ib’ ruk’ juntir ri uwokajil xujach che ri Ministerio rech Gobernación ri’.

Pa ub’i’ ri Ministerio rech Gobernación, eri Viceministro Administrativo, Mario Álvarez Galán xumaltyoxij ri xusipaj ri’ ri INL chi’ xa’rumal we jun molaj kemamtz’ib’ ri’ are kuya’o uchuq’ab’ xuquje’ are kuya’o nim utzilem pa le yab’al ilonem chajinik chi ke ri e ajch’ab’inelab’ ke’opan pa le wokajil japache’ ri’.

 “In weta’m k’ut che ri komonchak ri’ are kuya’ jun nim tob’anik chi ke ri winaqil ri’ rech kesax panoq jun q’atib’alil ri’ xuquje’ rech kuk’ex uwach ri chakunem pa taq le wokajil ri’, rech man k’ot chi k’ax karaqataj ri’, we qonojel kaqakoj qib’ pa le ub’anik utz taq chakunik pa molajil ri’ rech kaqak’ex b’a’ uwach ri jun winaqil tinamit ri’ rech man junam ta chik kojpa’ petinaq ri’”, xcha’ ri Álvarez Galán.

Rumal k’u ri’ eri Landry Carr Ukab’ K’amal b’e rech ri INL, xkub’isaj ub’ixik che ri wokajil kachakun wi ri are man xaq ta karaj katob’an ri’ ruk’ ri K’amoj b’e rech ri Wokajil Ajchajil Tinamit ri’ xane’ xuquje’ rech rajawaxik katob’an b’a’ ruk’ ri ya’olchajinik kab’an pa Wokajil Japache’ ri’, are rech b’a’ ronojel q’ij kuk’am uwi’ uchuq’ab’ ri’.

Jas kub’ano aretaq kachakun ri nuk’wokaj ri’

Eri viceministro rech Tecnologías, Walter Girón xuya’ ub’ixik ucholaj che konojel ri molaj kemamtz’ib’ ri’ k’o oxib’ uwach ri’ le Software, Hardware xuquje’ rech yab’al tzijolil ri’ xuquje’ rumal ri’ kamaltyoxix xsipax loq ri Hardware che ri ko’ksaxik pa le k’ulb’al winaqil pa le Wokajil Japache’ k’o pa we amaq’ ri’.

 “Eri nab’e jachb’al rech ri’, ri k’iyalaj kaqaya’o ri’ rech kub’an k’ak’ che ub’anikil ri Wokajil Japache’ ri’ are b’a’ kakojik pa taq le k’olib’al ch’ab’enik kumal ri winaq ri’ qas chi’ k’ut kak’oji wiri’”, xcha’ ri viceministro rech Tecnologías.

Eri Girón xub’ij ucholaj che we jun nuk’wokaj ub’anikil ri’ are ya’talik rech k’o ya’olchajinik chi ke ri e ajpache’ aretaq kopan kich’ab’exik ri’, rech kuya’ pa uq’ijol ri tzijolil chi kij ri’. Xub’ij chik “Qeta’m chik k’o nima’q taq cholajisanik kab’an chi’ aretaq kab’an okem chi’, rumal k’u ri’ k’o b’a’ jun tob’chakub’al kakojik rech kusik’ij uwach ri DPI  pa utukelal ri’ rech kujurij ri tzijol pa le chip ri’ xuquje’ are b’a’ jun etab’al b’anoj ri kuta’ uwach ri web’ servis ri’ rech kurilo we utz wene’ man utz ri alaj chip ri’ aretaq kusik’ij ri CUI ri’ rech kut’iq rib’ panoq ruk’ ri nuk’wokaj rech ri tzijol k’o pa le RENAP ri’ xuquje’ are rech pa aninaqil kuya’ pa saq ri utzijolil ri winaq ch’ab’inel kopan chi’ aretaq kunojisaj ri jun wujil rech b’anoj ch’ab’enik chi’ ri pa aninaqil ri’ kuya’ pa saq ronojel tzijol chi rij ri okem chi’”.

COMPARTIR