E 11 chi b’anol k’ax xechapatajik rumal toq’il pwaq xuquje’ b’anow kamisanik

150

E julajuj chi molaj b’anol k’ax kib’i’ “Latin Family”, kab’ixik rumal b’anow elaq’ toq’inik  xuquje’ b’anow kamisanik e are xechap ri’ pa jo’lajuj chi b’anow tzukunik xb’an chi ke ri’ rumal ri Wokajil Ajchajil Tinamit (PNC) xuquje’ kumal ri q’atol tzij rech ri Ministerio Público pa oxib’ tinamit ri’.

Eri tzukunik xb’an chi rij ri’ are rech xechap ri’ ri xmajtaj loq pa taq enero pa we junab’ ri’, pa taq le q’ij ri’ xb’antaj kowinem xeta’ik 15 winaq rech xkikamisaj ta chik xuquje’ k’o k’aqb’alil, ch’a’wb’alil xraqataj kuk’ ri’. Xuquje’ xch’ob’otaj ri’ che jun molaj b’anol k’ax ri’ k’o 16 b’anow k’ax kib’anom ri’ xuquje’ xch’ob’otaj ri’ che k’o ch’a’wb’alil xkitaq b’ik chi ke ri winaq xkib’an k’ax chi ke ri’, k’o k’i taq mul xech’a’w panoq kuk’ rech xkitoq’ij pwaq chi ke ri’.

Eri xechapik e are ri’: a Marcos Estuardo López Díaz, alias “el peligroso”, a Leonardo Catic Poroj, ri Rosario Abigail Mejicanos, ri Melany Peralta, ri Jenny Sicay, a Luis Fernando Canizales, a Kevin Omar Dieguero, a  Juan Luis Reyes, a Jefri Morente, al Gabriela Herrera xuquje’ a Mario Roberto Zepeda, alias “el Toro”, ajb’inisal microbús ri are.

Eri viceministro rech seguridad, Ricardo Guzmán, xuya’ ub’ixik che we jun chak ri’ are xb’antajik k’a pa le Ministerio rech Gobernación ri’, rech xeq’atexik ri nik’aj molaj b’anol k’ax ri’.

COMPARTIR