E 250 chi eqa’lenelab’ chajin tinamit xcha kuwach pa 2017 ri’

273

Eri Ervin Mayen ukab’ k’amal b’e rech ri wokajil ajchajil tinamit xuya’ ub’ixik are rech che tzij e utz ri eqa’lenel kechakun pa le Kiwokajilal ri’, e pa 2017 e k’o 250 chi eqa’lenelab’ xe’esax b’ik pa le wokajil ri’ rumal k’o k’ax kib’anom ri’.

“Xqaya’ utzijol ri’ che e k’o 250 ajchajil tinamit pa 2017 xe’esax b’ik pa wokajil ya’olchajinik ri’ rumal man k’ot pa kisaqilal ri’ xuquje’ rumal k’o b’anow k’ax kib’anom ri’”, xcha’ ri Mayen ri’.

Xuquje’ eri ukab’ k’amal b’e ri’ xuya’ utzijol che ri nik’aj eqa’lenelab’ che ri xe’al b’ik ri’ xa’rumal k’o kimak kib’anom pa kichak patan ri’ “eri b’anow k’ax kib’anom ri’ are kutz’alij kuwach ri PNC ri’, “eri banow kcha’ik ri’ jeri’ xb’anik jacha’ ri xtaq ub’ixik chi kij ri’ jewa’ pa amaq’el katajin pa le PNC ri’”, xcha’ ri Mayen.

Eri q’atb’altzij ketajin na che kapixb’anik chi ke ri eqa’lenelab’ rech kakiya’ b’a’ jun utzalaj chak patan jacha’ k’o pa le cholchak rech q’atel b’anow k’ax ri’, rech te k’u ri’ k’o jun utzalaj tzijol kaya’ chi ke konojel ri winaq tinamit e aj iximulew ri.

Eri Mayen xuya’ utzijol che k’o nik’aj rajilab’al ch’a’wb’alil ya’tal panoq chi ke ri winaq tinamit rech kech’a’w loq rech wexa’ k’o chakiya’ loq b’anom k’ax kumal ri ajchajil tinamit ri’ pa taq le ch’a’wb’alil ri’ 2500-1125 y 3032-7356.

Pa kiwokajil ri ajchajil tinamit ri’

We kamik ri’ e k’o pa kiwokajil e ajchajil tinamit pa konojel ri’ e k’o 40 mil eqa’lenelab’ pa achijab’ e ixoqib’ ri’.