E jo’ob’ e ajcha’el che K’amal ub’e ri RENAP xkijach kicholchak chuwach ri K’amow b’e rajawtzij ri’

203

Aretaq xok’ow keb’ kajb’al e jo’ob’ e ajcha’el che K’amal ub’e ri Wokajil rech Kitzijol Winaqib’ ri’ (RENAP) xkiya’ pa k’utik kicholchak chuwach ri k’amow b’e rajawtzij ri’.

Eri K’amow b’e rajawtzij ri’ are kiwokom uwach ri Rudy Marlon Pineda, K’amal b’e xuquje’ Rajawtzij rech ri Tribunal Supremo Electoral, ri Jorge Mario Valenzuela rech ri TSE xuquje’ pa uk’exel ri Ministro rech Gobernación, Axel Romero Viceministro rech Q’atel b’anow k’ax ri’ e are ri’ xkita kitzij ri e ajcha’el xuquje’ are xkik’ot kitzij ruk’ taq nik’aj tab’altzij ri’ chi rij ri kichak tane’ kakib’an ri’.

Eri jo’ob’ e ajcha’el e are wari’ xtataj kitzij we kamik ri’:

eri a Herbert Alberto López,

a Sergio Roberto Barillas,

a Rodolfo Estuardo Arriaga,

a Enrique Octavio Alonso y

a Edwin Vitola Vitola

e waqib’ nan xel kan rech katataj kitzij chuwe’q ri’, xcha’ ri K’amal ub’e ri wokajil ri’.

“Eri kaqilo che ronojel ri xb’an ri’ k’o pa usaqil ri’ ruk’ wa’ kojtajin che ujaqik qib’ chi ke ri e ajq’axaltzij ri’ xuquje’ ri b’anow chomanik chi rij ri k’amow ub’e wokajil ri’ rumal ri’ are wa’ nim uq’ijol we jun chomanik ri’” xcha’ ri Rudy Marlon Pineda.

Ri jujun taq ub’ixik ri’

Pa uta’ik ri jalajoj taq kitzij ri ub’eyal kicholchak ri e ajcha’el che k’amow ub’e ri RENAP ri’, xkina’taj ri’ le kupatanij ri ub’antajil ri DPI ri’ chi ke ri qawinaq keraqataj pa naj tinamit ri’, ri pa aninaqil resaxikr i’, ri kupatanij pa usaqil resaxik ri’, ri b’anow ch’ob’ow chi rij pa le wokajil ri’, ri utz ub’anik ri kichomaxik ri  e esal rech, ri uch’ob’ik kuwach ri e ajchak kechakun pa le wokajil ri’, ri uya’ik uchuq’ab’ ri chakub’al rech no’jb’anem ri’ xuquje’ ri uk’exik  uwach taq uchakuxik we kamik ri’.

Pa k’isb’al rech eri K’amal b’e rech ri Taqawokajil ri’ xuya’ ub’ixik che pa le nab’e q’ij rech julio kaya’ ri’ utzijol chinaq ko’k che k’ak’ K’amal b’e rech ri Wokajil rech kitzijol winaqib’ ri’ rumal k’ut pa le keb’ q’ij rech ik’ julio kujacho rib’ rech kumaj uchak upatan ri’.

 

COMPARTIR