E jo’ob’ winaq xechapatajik pa Escuintla ruk’ k’aqb’al keqam xuquje’ ruk’ jun ch’ich’ k’o tob’ab’al chi rij

235

Pa le uq’ijol ri b’anow chomab’al rech q’atel b’anow k’ax ri toq’im k’a pa le Ministerio rch Gobernación, eri eqa’lenelab’ rech ri Wokajil Ajchajil Tinamit (PNC), e k’o jo’ob’ winaq xkichap ri’ keqam kajib’ k’aqb’al, ruk’ keb’ raqarik k’aqb’al ruk’ ub’aq’ nik’aj chi k’aqb’alil ri’.

Eri e are ri’ xechapik pa le kilómetro 63 rech pa nimab’e kab’e pa Puerto Quetzal, Escuintla, aretaq ri winaq xeqajik pa le ch’ich’ che ri e b’enaq wi ruk’ k’aqb’al pa kaq’ab’ xuquje’ rech xkaj xek’aqan chi ke ri eqa’lenel chi’, rumal wari’ pa aninaqil xechapataj chi’.

Eri xechapik xch’oob’otaj kuwach e are ri’ a Luis Bladimir Silva Stanley, 25 ujunab’; a José Luis Ramírez Cárcamo, 32 ujunab’; a Ángel Yanddel Flores Dumas, 34 ujunab’; xuquje’ a Luis Ángel Díaz Ovalle, 22 ujunab’, kab’ixik e are e b’enaq pa jun ch’ich’ k’o utob’ab’al kojom chi rij. Eri nik’aj xechapataj ri’ k’o chi kuxo’l ri a José David Reyes, ri xnajtib’ keb’ kajb’al rech xel loq pa le ch’ich’ ri’.

E nik’aj winaq ri’ xraqataj keb’ k’aqb’al Jerichó kuk’ xuquje’ keb’ Bull Cherokee, ruk’ keb’ k’olib’al ub’aq’ k’aqb’al ri’, ri k’o uwuj keqam ri’. Xuquje’ xraqataj keb’ raqarik k’aqb’al marca Gilboa, kab’ixik maj uwujil keqam ri’.

Pa le ch’ich’ ri’ xuquje’ xraqataj keb’ k’aqb’al, jun are umarca Daewoo xuquje’ ri jun chik are umarca Glock, jeri’ ruk’ waqxaqib’ eqab’al rech xuquje’ k’iyalaj ub’aq’ k’aqb’al utz kakojik.