Eri PNC pa aninaqil xekowin che kichapik e kajib’ ri’j winaq ruk’ jun taqan na chi ke e b’anol k’ax ri’, aretaq xkanij kib’ xe’l b’ik pa le ja kununib’al yowab’. Eri xechapatajik e uwinaq ri Mara Salvatrucha ri’:

Ri Jonathan Daniel Chach Suret, 19 ujunab’, alias “Danny”

Ri Elder Josué Méndez Díaz, 22 ujunab’ ri’

Ri Ángel Estuardo García, 20 ujunab’

Ri Santos Humberto Cruz López, 29 ujunab’.

Ruk’ jun ala 17 ujunab’, alias “El Niño” xtaq pache’ ri’

Pa le 14 avenida xuquje’ 0 calle rech ri colonia Roosevelt zona 11, chi’ xraqataj wi jun ch’ich’ P-901BRM Volkswagen, chi’ k’u ri’ e b’enaq chupam nik’aj pandilleros ri’, keqam k’aqb’al ri’.

Aretaq xe’oqataxik nik’aj b’anol k’ax ri’ xkanij kib’ pa jun ch’ich’ rax rij, ri xkiya’ pa le 7ª calle, chuxo’l ri 12 xuquje’ 13 avenida rech ri  zona 11, chi’ k’ut xkeleq’aj wi b’ik jun chik ch’ich’.

Rumal k’ut pa aninaqil xetikir ri e ajchajil tinamit ri’ xekowin k’ut che kichapik nik’aj b’anol k’ax ri’ ruk’ taq oxib’ k’aqb’alil, jun nitz’ k’aqb’al, jun chaleco antibalas xuquje’ jun ch’ich’ ri’.

Juntir wa’ xmajtaj pa resaxik b’ik rib’ jun ajpache’ ub’i’ Anderson Daniel Cabrera Cifuentes, uwinaq ri mara MS, ri k’o pache’ rech Centro Preventivo Fraijanes 2, rumal ri’ xek’am k’ut e keb’ ajchajil rech kib’i’ (Juan Sical Toj y Edilberto Valdez Román) k’o jun chi ke xa’ xsakataj ri’.

Eri jun ajpache’ ri’ taqom b’ik chi’ rumal ri q’atb’altzij rech Sentencia rech ri Tribunal De Mayor Riesgo C ri’.

Eri PNC ketajin na b’anow tzukunik chi kij ri’ rech kakiraq k’ut ri jun ajpache’ Anderson Danel Cabrera Cifuentes xuquje’ rech kechap ri e ajmak chi rij ri’, xa’pa nachike winaq kakil uwach ri’ ya’talil k’ut rech kakib’ij pa le ch’a’wb’alil 110 xuquje’ 1561 rech Cuénteselo a Waldemar ri’.

Eri jun ajpache’ ri’ Cabrera Cifuentes 29 ujunab’, xq’alajisax che xranij rib’ usachom rib’ ri’, ri are ri’ pache’ Fraijanes 2 k’o wi’ pache’, k’a pa diciembre rech 2013, rumal b’anow taq kamisanik, rumal una’wilixik b’anow kamisanik ri’, rumal choman b’anow k’ax maj pa usaqil ri’ xuquje’ rumal nik’aj chik b’anow k’ax ri’.

COMPARTIR