E k’o nik’aj ajtob’anelab’ xechapatajik rumal maj pa usaqil kiya’ik akalab’ xkib’ano

121

Rumal k’o ak’alab’ maj pa usaqil xkiya’o pa le junab’ 2006, e k’o nik’aj ajtob’anelab’ xechapatajik kib’i’ a Rene Aníbal Melgar Miranda, rech ri Consejo Nacional rech Adopciones (CNA), a Mayra Lisett  Azurdia García, xk’oji che rajchak ri Procuraduría General rech ri Amaq’il (PGN), xuquje’ ruk’ ri a Deyanira Bernadette Herrera Juárez ri’.

Eri ministro rech Gobernación, Francisco Rivas Lara, xuya’ ub’ixik xuya’ ub’ixik che we chakunem ri’ are katajin pa komon chak ruk’ pa le taqawokajilal ri’ rech uq’atexik ri b’anoj k’ax ri’ “Eri ajchajil tinamit are uchak patan ri’ kub’an ri tzukunik chi rij taq b’anoj k’ax ri’, kojpa’ ri ub’anik k’ax chi ke ri winaq aretaq e ak’alab’ na ri’, rumal ri’ kojtajin che utaqik che ri wokajil rech ri DEIC, rech kukoj uchuq’ab’ rech kaq’atexik wa’ b’anoj k’ax ri’ rech man xaq ke’l kanoq jeri’”.

Eri b’anoj k’ax ri’ kab’ixik xkib’an ri e ajno’jchakunelab’ ri’, are jun k’ax ri’ xkib’an che jun loq’ ak’ala kape chi la’ pa Quiché, rumal k’ut eri unan aretaq xuya’ b’ik chi ke nik’aj chik winaq, man chuwach ta rachajil, e xuta che ri ajtob’anel Herrera Juárez rech kurilo jas kub’an che ri ak’al ri’ ri xub’ano are xutzuj che ri Eldan René Tuna Tovar, ri k’o pache’ we kamik, rech kutzukuj ri wujil rech ralaxib’al ri’, xuquje’ xutzujuj wa’ ruk’ ri García Azurdia rech kuya’o jun uwujil ri maj pa usaqil ri’, xuquje’ rech xub’an maj pa usaqil uq’axaxik ri uwujil ri’.

Rumal k’u ri’ eri tzukunik chi rij ri’, kumal ri q’atb’altzijrech ri PGN xkiya’ ub’ixik che ak’al ri’, man xk’ut taj pa we taqawokajil ri’ rech kanimaxik uq’axaxik ri uwujil rech kaya’ b’ik chi ke nik’aj chik winaq ri’, rumal ri’ xexim pa q’atb’altzij Ministerio Público ri’. 

Nota: Edy Lima
Fotografias: Alberto Galiano

Swiffy Output
COMPARTIR