E kajib’ xechapik, keb’ xekamik rumal xkik’aq kib’ kuk’ ri tzukunelab’ rech ri Wokajil Ajchajil Tinamit

204

Jun chi ke ri xekam pa Chimaltenango ri’ e kajib’ xechap ri’, chi ke ri’ k’o jun taqal na chi ke xuquje’ k’o eqa’lenel chajinik ri’ xkam ri’, are ri’ uwach ri ya’olchajinik xub’an upatan ri’ kumal ri eqa’lenelab’ rech ri Investigación Criminal pa el Km 55, colonia La Alameda, zona 4 rech Chimaltenango.

Eri DEIC ketajin che uterenb’exik rij jun b’anow elaq’ toq’inik pwaq ri’, aretaq jun chi ke ri b’anol k’ax ri’ xb’e pa jun tuc-tuc, k’o jun ch’ich’ Toyota xuq’eb’a’ rib’ pa ub’e ri’, te k’u ri’ e k’o nik’aj achijab’ xekik’am b’ik jun ajtoq’anel pwaq ri’; eri ajtzukunelab’ xkaj tane’ xkich’ab’ kuwach ri’ rumal ri’ eri nik’aj b’anol k’ax che ri e b’enaq pa le jun Toyota xkik’aq ri PNC rumal ri’ xkito’ kib’ xuquje’ xkichap nik’aj winaq ri’.

Se detiene a:

Xekowin k’ut che kichapik ri:

A Diego Alberto Ardón Guá, 21 ujunab’.

A José Isaías De León Rompich, 22 ujunab’.

A Aníbal, 16 ujunab’.

Aretaq xil utzijolil ri jun xkam ri’ k’a te xkilo jun chi ajchajil tinamit ri’ elenaq b’ik pa uxulanem ri’, are jun chi kuxo’l taq nik’aj b’anol k’ax ri’, rumal xe’uk’aqo ri e utzalaj taq tzukunelab’ ri’, xkamik.

Eri Inspectoría General katajin che uterenb’exik ri tzukunik chi kij ri eqa’lenelab’ ri’ rumal ri’ e k’o k’i e esam b’ik che kichak kipatan ri’ rumal e utz taj pa le kib’antajik ri’.

Xuquje’ xb’antaj kowinem xraqik keb’ k’aqb’al ruk’ jun ch’ich’ P-066GDF.

Kitzijol ri xekamik

Chi’ k’u ri’ che ri xkam wi ri jun a Erick Joeny Quiñones Sandoval, 28 ujunab’, kab’ixik b’anol k’ax ri are.

xb’antaj kowinem xch’ob’ik che ri jun a Odilio Monzón Godoy, che ri xk’am b’ik pa jun ja rech kunanib’al yowab’ ri’ ri are ajchajil tinamit ri’. We kamik xel b’ik pa uxulanem ri’ pa taq le waqxaqib’ kajb’al rech saqarib’al ri’.
Eri jun a Daniel Lemus López, 25 ujunab’ ri’, ri are xkamik aretaq xok pa ja rech kunanib’al yowab’, ri are xk’oji pa nimaq’ab’ che uchajixik jun ajpache’, pa jun ja rech kunanib’al yowab’ pa zona 2 pa uk’u’x nimatinamit. Ri are ri’ man k’ot pa uq’ij uchak ri’.

Eri tzukunik katajin na kumal ri PNC ri’ rumal ri’ kub’ij che ri e utzalaj taq eqa’lenelab’ e to’m ri’ rumal ri taqanem ri’ xuquje’ kumal ri taqanel chi ke xuquje’ eri man kunimaj ta utzij ri taqanemtzij ch’itixel ri’ chisaq che ri wokajil uchak upatan ri’ xuquje’ k’o q’atb’altzij chi rij ri’.

COMPARTIR