Pa taq le lajuj ik’ ri’ e k’o 3 mil 978 achijab’ xuquje’ ixoqib’ xkik’is katijob’exik rech ke’ok che e ajchajil tinamit ri’ (PNC) ri xe’al pa oxib’ taq tijob’al e k’o pa we amaq’ ri’, pa Nimatinamit, pa Cuilapa Santa Rosa xuquje’ Chinab’jul ri’. Ruk’ wa’ jun puq ajchajil tinamit ri’ eri kajilab’al kaq’an pa 39 mil 376 chi eqa’lenel ri’ ri kejach pa taq le 22 taq tinamit ri’.

Pa le ilb’anik ri’ xk’oji wi le ministro rech Gobernación Francisco Rivas Lara, ri viceministro rech Ya’olchajinik Ricardo Guzmán, ri viceministro Antinarcótico Oscar Dávila, ri viceministro rech Q’atel b’anow k’ax, Axel Romero; ri K’amal b’e rech ri PNC Nery Ramos; ri vicepresidente Jafeth Cabrera xuquje’ ri K’amal b’e amaq’ Jimmy Morales kuk’ ri k’amal b’e rech wokajil ajchajil tinamit.

Eri Rivas Lara, xuya’ ub’ixik che ki’kotem che ri are rumal e k’ak’ taq eqa’lenel xkik’is katijob’exik, are wa’ jun k’exnik pa le k’aslemamtzij ri’ rumal kutun rib’ ri ya’olchajinik chi ke ri winaq tinamit ri’.

 

Eri eqa’lenelab’ sib’alaj keyem ri’ che uya’ik chajinik chi ke ri tinamit winaqil are wa’ jun uwach ketijox wiri che ri b’anom ri’, ri kub’sib’al k’u’x chi ke ri tianmit ruk’ pa jikom b’anikil, ruk’ ub’anikil nimanem xuquje’ pa suk’al ib’ are rech wa’ kuya’o kub’sib’al k’u’x chi ke ri winaqil ri’”, xcha’ ri taqawokajnel ri’.

Ri are ri’ xuya’ ub’ixik che k’o 1 mil 213 achijab’ xuquje’ ruk’ 856 ixoqib’ ri’ che ri xkik’is katijob’exik pa le Uk’u’x Tijob’al ri’, are rech pa konojel ri’ e k’o 2 mil 069 pa le zona 6.

Pa Tijob’al rech Cuilapa, Santa Rosa xek’oji 1 mil 308 chi achijab’ ri’ pa le Tijob’al rech Chinab’jul xek’oji 601 k’ak’ eqa’lenel chi’.

 

Eri eqa’lenelab’ rech ri Wokajil Ajchajil Tinamit e are xetijoxik pa lajuj ik’ ri’ pa le Tijob’al chi rij ri’:

Ya’olchajinik xuquje’ tob’anik che ri ya’talil chi ke winaqilal ri’, Kilik kab’anik ri kechapatajik, Ub’anikil kichak ajchajil tinamit ri’, ri Tzukno’jchak Ajchajil Tinamit, ri ujachik ub’ixikil  b’anow chak ri’, ri K’aqb’alil ruk’ b’anow k’aqanik, ri Tob’al kech ri’, ri Ya’b’al nab’e taq ilonem chi ke yowab’, ri ub’anikil alawalil ri’, ri b’anow taqanik pa we amaq’ ri’, ri Kojb’al rech Ub’anikil Ajchajil Tinamit rech Ya’olchajinik chi ke ri winaqil ri’.

  • Nota: Flor Ortiz
  • Fotografia: Fernando Delgado / Roberto López
  • Video: Noé Medina / Felipe Castillo / Antonio Reyes / Estuardo Valdéz