E k’o 12 chi ckamisanelab’ xechap pa taq tzukunem ri’

91

 

E reqa’lenelab’ ri Subdirección General rech Investigación Criminal rech ri Wokajil Ajchajil Tinamit pa komonchak ruk’ ri Ministerio Público ri’, e k’o 12 chi winaqil e kamisanelab’ xechaptaj ri’ kib’i’ “Los Samueles” che ri tajin xkib’an k’ax pa Petén xuquje’ pa Baja Verapaz.

E are wa’ xechapatajik: eri a Edgar Enrique Tzul Vásquez, al Lidia Ortelia Suchite López alias “La Negra”, a Samuel Ramos Chacón, al Maria Izabel Suchite López, a Mynor Elías Rosado, a Edin Olando Cante Revolorio, a Wilmer Manfredo Chacón Vásquez, a Matías Chacón Chacón, a Rudy Rene Veliz Polanco, al Mirta Angélica Pineda Rivas, al María Idania Súchite López, a Elder Danilo Corado Corado xuquje’ k’o oxib’ k’aqb’alil xraqataj kuk’ ri’.

Pa taq le tzukunem xb’antaj pa taq le juyub’ tinamit rech Santa Ana, San Andrés, San Benito, Dolores, Sayaxché xuquje’ La Libertad, pa le juyub’ tinamit rech Petén ri’.

Eri tzukunelab’ rech PNC, xkib’ij eri jun molaj b’anol k’ax ri’ e are ri’ e k’o nik’aj chik winaq xkikoj pa ub’anik k’ax ri’, eri nik’aj b’anol k’ax xa’ e taqanel chi ke ri’, aretaq xkichomaj nikpa’ chi pwaqil kakita che ri winaq kakib’an k’ax che, kakimol juntir utzijol ri’, kechajin chi ke xuquje’ kakiterenb’ej, pa taq ch’ich’ xuquje’ chi rij taq kejch’ich’, aretaq xkilo xopan le q’ij kakib’an k’ax chi ke te k’u ri’ kakik’aqo.

Eri nik’aj Samueles ri’ kab’ixik e are xikichomaj, kakiya’ chi kuwach xkik’aqo ri a Ángel Amado Pérez Xitumul xuquje’ ri Eldin Gómez de Paz, ajkalte xuquje’ concejal III rech ri q’atb’altzij rech ri tinamit rech Rabinal, pa le nab’e q’ij rech febrero rech ri 2017, pa le aldea Piedra de Cal, tinamit rech Rabinal, Baja Verapaz ri’.