Eri K’amal b’e rech ri Wokajil Japache’ (SP), Juvell de León xuya’ ub’ixik che k’a pa le q’ij viernes 18 rech agosto ri’ xb’an jun solwachinik chomanik rech xilik we kumaj ri’ keq’axax ta chik ri 20 ri’, rumal k’ut eri kiwujil man k’ot pa saqil ri’.
“Xaqachomaj uj che man rajawaxik taj keq’axaik rumal jub’ik taq k’axk’olil k’o chi ke ri’ rumal ri’ Pache’ SP ri’ kekunax wiri’”, xcha’ de León ri’.

Xub’ij chik che katajin uya’ik pa taqik rech kanimaxik pa taq le k’amow ub’e wokajil rech b’anow ch’ob’ow chi rij ri’, che ri ri Inspectoría xuquje’ che ri Ya’olchajinem ri’ rech rajawaxik b’a’ katz’aqatisax uwach ri wujil ruk’ utaqik loq pa wujil rumal ri Instituto Nacional rech  Ciencias Forenses (INACIF), xuquje’ are wa’ xya’taj ub’ixik panoq che ri wokajil Q’atol tzij rech kutaq ub’ixik chi ke taq ri e ajq’atol taq tzij ri’.

Xub’ij chik we kamik ri’ xb’an jun nim solinik pa taq le Clínicas Móvles che ri e k’o pa le Preventivo rech ri zona 18 xuquje’ pa le rech Fraijanes rech kakimaj b’a’ kichak pa keb’ oxib’ q’ij ri’. Xuquje’ rumal ri’ katajin chomanik chi rij ri ya’olchajinik pa taq ja rech kunanib’al yowab’ ri’, eri  ub’anikil ya’olchajinik ri rajawaxik ri’ are pa keqale’nib’al ri ya’olchajinik ri’ keq’axan kech e ajpache’ e yowab’ we xa’ qas rajawaxik ri’ maj pa uq’atexik ri’.

K’o korlim ya’olchajinik xkoj ri’

Rumal ri’ eri K’amal b’e rech ri Wokajil Ajchajil Tinamit (PNC), Ervin Mayén Véliz xub’ij che ri ub’anikil taq ya’olchajinik ri’ che ri e kojom pa taq le ja kunanib’al yowab’ Roosevelt xuquje’ pa le San Juan de Dios pa juntir ri’ ya’tal pa ya’olchajinik ri’ jeri’ chi rij, chupam ri’.

Rumal ri’ k’a pa q’ij miércoles kanoq xb’an jun nim uchomaxik ub’anikil ya’olchajinik ri’ rumal taq ri b’anow k’ax xok’ow wiri’ xuquje’ rumal jeri’ xuya’ ub’ixik ri K’amal b’e chi’.

Xuquje’ ya’tal ri’ utob’anik che ri uno’jb’anikil ri esab’al achib’alil ri’, video rech ya’olchajinik ri kuya’o pa saqil utzijol ri k’ax kak’ulmataj  xuquje’ are ri kub’an k’ax ri kub’sib’al k’u’x pa taq ja kunanib’al yowab’ pa nimatinamit ri’.

“Eri winaqil che ri ke’opan che kilik kiyowab’ ri’, ri e ajkun xuquje’ ri rajchak taq ja kunanib’al yowab’ rech kakub’ kik’u’x’ chi ke ri PNC are rech kek’oji ri’ rech kakib’an ya’olchajinik ri rajawaxik xuquje’ e are ketob’an pa le ya’olchajinik ri’ ri eqa’lenelab’ rech ri wokajil ajchajil amaq’ rech Iximulew rech kuya’ uchuq’ab’ ub’eyal ya’olchajinik ri’ rech b’a’ ya’talil pa juntir ri’”, xcha’ ri Mayén Véliz.

K’o chik ya’olchajinik pa taq ja rech kunanib’al yowab’ ri’

Eri Viceministro Administrativo rech ri Ministerio rech Salud Edgar Rolando González xuya’ ub’ixik ucholaj ri’ che ri chak patan rech ya’olchajinik pa taqawokaj are katajin ri’ rumal ri b’anow k’ax k’aqanik xk’umataj pa Hospital Roosevelt rumal ri’ xkimaj jun molaj molin ib’ ruk’ ri Salud ri’, ri Gobernación xuquje’ ruk’ ri Defensa rech xchomaxik ri ya’olchajinik kaya’ chi ke ri e ajchak xuquje’ chi ke ri winaqilal ri’ che ri ke’opan che kikunaxik kib’ pa le ja rech kunanib’al yowab’ ri’.

Xuquje’ rumal ri’ eri viceministro rech Salud xub’ij eri Wokaji Japache’ xchomataj rumal rech kek’am ta chik e ajpache’ pa taq ja rech kunanib’l yowab’ ri’ xuquje’ rumal ri’ k’o keb’ b’insam ja kunanib’al ri’ kataq ri’ ya’tal uja’, uq’aq’, xuquje’ k’o b’anb’al tzaqb’al ib’ chupam are ri’ kakoj pa taq le nik’aj keb’ oxib’ q’ij ri’ chi ke ri e ajchak e ajkun ri’ xuquje’ rech kakimaj kakunaxik ri winaq ri’ xuquje’ rech man k’ot chik e ajpache’ keq’axax pa taq ja kunanib’al yowab’ ri’.

“K’o jujun taq retal rech nuk’b’al ilob’alil ri’ rech b’a’ kaq’axaxik pa taq le wokajil rech kunanb’al ri’ ri k’o naqaj panoq rech te pa k’isb’al rech ketzalix chik ri kekuntaj ri’ rech ma juntir taj keq’axax we kamik ri’”, xcha’ ri González.

COMPARTIR