E k’o 30 Komon Chomanelab’ xkoj pa taq Tinamit rech Q’atel k’ax pa Chiantla

165

 

Kojtajin che kachb’ilaxik ri q’atb’altzij rech taq tinamit, ruk’ ri Viceministerio, ri Jachakunb’alil rech Q’atel k’ax pa komon winaqilal ri’ (UPCV) xuquje’ ri Subdirección rech Prevención rech ri Wokajil Ajchajil Tinamit (PNC), ruk’ ri utaqiixik rok’owisaxik jun b’anow chakunem ri’ rech pa komonb’alil ri’ che ri k’o chi’ pa le q’atb’altzij, xuquje’ rumal ri’ xeqakoj e 30 comisiones comunitarias rech q’atel k’ax xuquje’ kojtajin che ujachik ri b’anow chomab’al pa tinamit rech q’atel k’ax rech Chiantla, are wa’ jun chi ke ri kajib’ chomab’al pa taq tinamit che ri xjach we kamik ruk’ ri Gobernación Departamental xcha’ ri Viceministro rech Q’atel k’ax ri’, Axel Romero ri’.

Are wa’ jun eqa’lenemtzij ri keb’ upatan uwach ri’ kumal ri komon winaqilal che ri xekoj che kipatan ri’ rech kechakunik pa le b’anow q’atel k’ax pa taq kik’olib’alil ri’ xuquje’ kumal taq ri q’atb’altzij rech kakichomaj b’a ri rajawaxik che ri kakilo pa jujun taq ri comisiones comunitarias xuquje’ rech pa komonb’al kechakun che unimaxik ri taqonatzij ri’, rech ri ya’talil winaqil xuquje’ ruk’ ri chakunem kuk’ ri ak’alab’ xuquje’ ri alab’om alitom, qastzij b’a rech kek’oji pa kik’aslemalil ruk’ maj b’anow k’ax ri’ xuquje’ ruk’ maj e ajb’anol k’ax pa ronojel amaq’ ri’.

Xub’ij chi Viceministro che pa Chiantla ri’ are wa’ katajin uchakuxik k’a pa le 2012 ruk’ jun nim tijowchuq’ab’ pa tinamit ri’ pa le komonb’alil winaqilal chi’, xuquje’ are wa’ jun nim k’utb’al, are wa’ ri nab’e tinamit ri’ che we kamik e k’o e 50 comisiones chupam ri’, xaq xu’ wiri’ pa tinamit ri’ pa ronojel amaq’ che ri e k’o wi’ comisiones comitarias ri’, are are wa’ tajin kuya’o uchuq’ab’ ri chakunem rech tijob’enik xuquje’ ri k’uttijonik ri’ are rech kab’an utz ukojik taq ri chakub’alil rech b’anow ch’ob’on ch’ob’otal chak kumal winaq chi’ xuquje’ rech are kaya’ uk’aslemail rech are kapatanixik k’a we kamik ri’.

Eri Romero xuya’ ub’ixik ri’ che ri chakunem rech ya’olchajinik pa juntir chi’ xuquje’ rumal ri’ are wa’ tzijom chik ruk’ ri ajkalte Carlos Alvarado chi’ pa k’iyalaj taq mul ri’, are jun chi ke ri’ are chi rij ri Organización comunitaria xuquje’ ri tijowchuq’ab’ che ri q’atb’altzij katajin che ub’anik pa le uya’ik pa ujikomal uwach ri juyub’ tinamit chi’ rech pa ronojel are kanimax uwach rumal ri Wokajil Ajchajinelab’ rech q’atb’altzij chi’ pa tinamit ri’, che ri k’o uchakum chik pa jun 80% juntir uwach uwujilal ri’, rech ya’tal chik rech kakoj ri Wokajil Ajchajinelab’ rech Q’atb’altzij chi’.

Eri xb’antajik ri’ are wa’ kuya’o kub’sib’al uwach ri chak pa keb’ uwach upatan kuk’ ri ajchajinelab’ pa le q’atel k’ax ri’, are wa’ jun tob’anim chi ke ri Jachakunb’alil rech Q’atel k’ax ri’ xuquje’ che ri subdirección rech Q’atel k’ax rech ri PNC xuquje’ che ri apoyo comunitario ruk’ jun kowilaj b’anow chak che ri kub’an ri q’atb’altzij pa le ucholajisaxik ri q’atanik pa le juyub’ tinamit ri’.

Eri Urox Viceministro xub’ij chi ke ri tinamit rech Chiantla che chakik’amo b’a ronojel uwach taq ri loq’ b’anikil ri’ rech q’atel k’ax rech are chakimajo pa taq kachoch ri’, «rajawaxik b’a kaqakoj qib’ uj nan tat pa le qas kilik ri qalk’uwal ri’ pa le rilik jas ri kakib’an ri’, rech kaqakub’isaj jun utzalaj kik’aslemalil ri’ xuquje’ rech k’o jun utzalaj kik’aslemalil kaqaya’o ri’ pa chuwe’q kab’ij, xuquje’ rumal ri’ are wa’ k’o pa qaq’ab’ uj ».