E k’o comisarías kejaqik xuquje’ k’o kak’ex kuwach ri’ rech ya’olchajinik ri’

245

Are rech uya’ik uchuq’ab’ ri chak patan katajin che ub’anik ri Wokajil Ajchajil Tinamit (PNC) pa we amaq’, eri q’atb’altzij rech ri Ministerio rech Gobernación, kuterne’j ub’anik ri cholchak rech yakoj kachochib’al ri ajchajil tinamit pa we junab’ ri’, are chomam chik kejachik 24 chi k’ak’ uk’olib’alil ya’olchajinik xuquje’ kak’ex kuwach ri’ pa taq le tinamit pa we amaq’ ri’.

Eri K’amal b’e rech ri PNC, Nery Ramos, xuya’ ub’ixik eri chak che ri b’anom ri’ are rech k’o xmajtaj uk’exik kuwach ri’ xuquje’ are wari chomam ri’ kak’is pa we junab’ 2018, pa taq le k’o pa Xe’laju’, Retalhuleu, Coatepeque xuquje’ pa San Marcos, ruk’ wari’ chomatal chik rech e k’i eqa’lenelab’ rech ya’olchajinik kekoj pa juntir we amaq’ tinamit ri’.

Eri Ramos xuya’ reta’maxik che ri kejaqik ri’ xuquje’ ruk’ nik’aj chik kasuk’umax kuwach chi ke taq rachoch uk’olib’al ya’olchajinik pa tinamit ri’, are wa’ kutun rib’ ruk’ ri cholchak che ri majom chik uwach ri’, ruk’ uloq’oxik kab’anik e k’i ch’ich’ rech ya’olchajinik ruk’ kejach’ich’, ri kub’an utz chech ri’ xuquje’ rech kutoq’ij b’anik ri ya’olchajinik ri’.

“Are wa’ uwach taq ri tijowchuq’ab’ che ri katajin ri’, rech katerenb’exik ruk’ uq’atexik ri b’anow k’ax ri’, rech ya’ol kub’sib’al k’u’x ya’olchajinik pa tinamit”, xcha’.