E k’o e 69 reqa’lenel e ajchajil tinamit ri’ e chapom chik rumal ma utz ub’anik kichak ri’

195

 

Rumal e k’o eqa’lenel ajchajil tinamit ma utz ta kichak kib’anom ri’ e k’o e 60 chi ke rech ri Wokajil Ajchajil Tinamit (PNC), e chapom chik pa we junab’ ri’, jeri’ utzijol xuya’ ri viceminsitro rech seguridad Kamilo Rivera, pa jun tzijolinem xub’an pa le Congreso rech pa Amaq’ilal ri’.

“Kaqakuy ta kimak ri’ chinaq eqa’lenel rech ri wokajil ajchajil tinamit ri’ aretaq kakimin kib’ che b’anow k’ax kuk’ ri e ajb’anol taq k’ax ri’, rumal ri’ eri Inspectoría General sib’alaj are wa’ kupatanij ri’. xuquje’ eri eqa’lenel ya’tal pa kiq’ab’ ronojel tob’anem chi ke pa le utz ub’anik ri kichak kakib’an pa le ya’olchajinik pa tinamit ri’ rech pa le kichapik ri nik’aj elaq’omab’ e b’anol k’ax ri’ jacha’ pa le kichapik xuquje’ are wa’ rech kaya’ uchuq’ab’ runimaxik ri pixab’ taqanik ri’” xcha’ ri Rivera.

Eri eqa’lenel e chapom chik ri’ are xa’rumal ma utz taq ri kichak kib’anom ri’ rumal ri’ e q’axim pa taq q’atb’altzij ri’, e k’o nik’aj xe’esax b’ik pa chak patan ri’, jeri’ xkub’isaj ub’xik ri viceministro rech seguridad Kamilo Rivera ri’.

Rumal ri’ katerenb’ex kicha’ik b’ik ri’ pa le wokajil rech ri PNC ri itzel chi ke ri eqa’lenel ri’, xcha’ ri ajpatanel ri’.