E k’o e waqib’ kamisanel, e ajk’ayin awan kunb’alil pa le tzukunik ub’i’ Operación Río Blanco ri’

135

 

Pa komonb’al chak rumal ri Ministerio rech Gobernación, ri Wokajil Ajchajil Tinamit xuquje’ ruk’ utob’anik ri Q’atb’altzij rech Q’atel awan kunb’alil rech ri Ministerio Público, rumal ri’ xb’an ri tzukunem ya’olchajinik ub’i’ Operación Río Blanco, rech xunimaxik ub’anik ri 40 chi b’anow kichapik e 13 chi winaqil e b’anol k’ax ri’.

Eri q’atb’altzij rech e ajchajil tinamit chanim are xkichap ri’ a Marcedonio Alberto Quiñonez, ub’i’ kab’ixik “Mono” are taqanel, a Pedro Paulo Largas Hernández, al Juana Patricia Largas Hernández, aHugo Noeli Salazar Rodríguez, ub’i’ kab’ixik “Noeli”, a Juan Carlos Maldonado Díaz, ub’i’ kab’ixik ” Pucho” xuquje’ Exsar.

Eri Emmanuel Salazar Pérez, kab’ixik e are ri’ e kamisanel, e b’anol k’ax e b’anol elaq’, k’o awan kunb’alil kakik’ayij ri’.

Eri jun molaj b’anol k’ax ri’ k’o oxib’ k’aqb’al xraqataj kuk’, ruk’ keb’ k’aqb’al chik calibre 9 mm, jun raqarik k’aqb’al, jun pisob’al q’eqq’oj rilik ruk’ awan kunb’alil, ruk’ jun pajb’a rech cocaína, xuquje’ ruk’ jun ch’uti’n k’olib’al kachiyixik ruk’ awan kunb’alil.

Eri tzukunem ya’olchajinik ri’ are xb’an pa Ayutla, Ocós, Catarina, Malacatán xuquje’ pa Pajapita San Marcos, Coatepeque, Xe’laju’ xuquje’ pa  Retalhuleu pa le tzukunik ri’ xetatb’enik ri Subdirección General rech Análisis rech Información Antinarcótica (SGAIA) rech ri PNC, ri Binomios K-9, Grupo Halcones, ri División rech Fuerzas Especiales Policiales (DIFEP), ri Grupo de Acción Rápida (GAR), ri División rech Desactivación rech Explosivos (DIDAE), ri Grupo OMEGA xuquje’ ri Fuerza Militar J-8 ri’.