Pa ronojel e k’o 300 chi K’isis che’, Tyox che’ ruk’ Kakaw che’, xetij pa we q’ij pa Las Guacamayas, colonia Primero rech Julio zona 5, rech Mixco kumal ri winaq chi’, kuk’ ri e ajtijonel, e ajtijoxel rech ri tijob’alib’ ub’i’ Adrián Inés Chávez, ruk’ kitob’anik reqa’lenel ri División rech Protección che ri Uwachulew ri’ (DIPRONA) rech ri Wokajil Ajchajil Tinamit (PNC) ri’.

We b’anow tikon che’ ri’ are k’o pa le ch’ob’otal chak rech utikik taq che’ pa we amaq’ che ri toq’am uwach upatanixik rumal ri Ministerio rech Gobernación, chi’ k’u ri’ eri eqa’lenel ajchajil tinamit xkito’ kib’ kuk’ ri winaqilal, ri ajtijoxel xuquje’ ri ajtijonel rech taq jalajoj taq tijob’al ib’ rech b’anow tijonem pa juntir we amaq’ tinamit ri’.

Eri q’atb’altzij rech ajchajil tinamit, kakib’ij che pa junamil katajin utikik taq che’ ri’ pa Santa Lucía Cotzumalguapa, kuk’ ri e ajtijoxel rech ri nab’e q’attijonem ri’, kuk’ ri k’amal b’e taqanik rech ri Instituto Nacional rech Bosques xuquje’ ri CONAP, qaraj e k’o 300 chi taq che’ rech Matilisguate, Plumillo xuquje’ Caoba xkitik ri’.

E reqa’lenel rech ri DIPRONA kuk’ ri e ajtijoxel xuquje’ kuk’ nik’aj chik wokajil jachakunb’al ri’, pa le aldea La Esperanza, pa le colonia Los Ángeles rech ri uq’ab’ tinamit rech ri La Libertad, Petén, chi’ kakitik wi’ uwach taq che’ rech Ramón, Conacaste xuquje’ Guapinol, pa jun peraj juyub’ rech 5 hectáreas ri’.