E k’o jo’ob’ winaq xechapatajik rumal b’anow taq k’ax ri’ pa taq tinamit rech we amaq’il

Pa konojel e k’o jo’ob’ chi winaqil xechapatajik pa taq le 23 uwach b’anow tzukunik ri’ le xb’antaj rumal ri Subdirección General rech Investigación criminal rech ri Wokajil Ajchajil Tinamit (PNC) pa Baja Verapaz, pa Chiquimula, pa Jalapa, xuquje’ pa taq le zonas uno xuquje’ 18 rech pa uk’u’x nimatinamit ri’.

Eri q’atb’altzij e ajchajil tinamit ri’ xkiya’o utzijol eri xechapik ri’ are uwach ri’ le b’anow taq tzukunem xb’antaj ri’ rumal ri’ xb’antaj kowinem xchapik a Marlon Iván Mancilla Sánchez, 20 ujunab’, taqom uchapik rumal xraj ri are k’o ixoq kukamisaj xuquje’ a Miguel Ángel Cojtín Hernández, kab’ixik k’o b’anow k’ax ub’anom chi ke ixoqib’ ri’.

Eri xraqatajik pa le b’anow tzukunik ri’ are wuqub’ k’aqb’al, kajib’ raqarik k’aqb’al, k’i ub’aq’ k’aqb’al, jun k’aqb’al xaq b’anom, oxib’ nimpoq’sab’al, oxib’ chi machat xuquje’ b’elejeb’ ch’a’wb’alil xuquje’ ruk’ pwaq b’otolik.

Ruk’ wa’ eri Ministerio rech Gobernación xuterne’j ruk’ uchak patan rech xe’uchapo konojel ri nik’aj b’anol k’ax ri’, are wari’ jun q’atenik b’anow k’ax xb’antaj ri’ chi ke taq ri wokajil jachakunb’al pa tinamit ri’ xuquje’ chi ke taq le winaqil e aj iximulew ri’.