E k’o kajib’ e ajchajinelab’ xechapatajik rumal ma xkichap ta jun ch’ich’ ri’ rumal k’o xya’taj chi ke

279

Eri b’anow chomab’al rumal Taqawokajnel rech Gobernación Enrique Degenhart kab’ixik are wa’ rech uq’atexik juntir ri b’anow k’ax kumal ri e ajchajil tinamit ri’, rumal k’ut juntir ri kab’an ri’ are kab’an pa saqilem ri’ rech jeri’ ke’esax b’ik pa wokajil ri e itzel chi ke ri’.

Eri Inspectoría General rech Xe’laju’ xe’utaq pa q’atb’altzij ri eqa’lenelab’ chajin tinamit, a Carlos Humberto Gabriel Aguilón, a Lester David López y López, a Isaí Micael Barrios Sandoval, a Wuilson Amado López Vásquez, rech ri  comisaria 41, kab’ixik rumal b’anow k’ax aretaq keraqataj pa le b’anow kichak kipatan ri’, eri e are ri’ xtaq kichapik rumal ri q’atb’altzij rech Nab’e Instancia Penal rech mayor riesgo “A”, rech pa Uk’u’x Nimatinamit Iximulew ri’, rumal ri’ aretaq xechapik xek’am b’ik pa q’atb’altzij rech Chinab’jul.

Eri b’anow tzukno’jchak chi rij ri’, xuk’utu che ri nik’aj kajib’ e itzel eqa’lenel ri’ xechapatajik rumal k’o pwaq xkitoq’ij ri’, aretaq xechapik kab’ixik che ri e are eri’ e uwinaqil ri jun molaj b’anol k’ax ub’i’ Los Del Punto, e k’o Q’ante’l Xe’laju’, pa le junab’ 2017, rumal xaq xu’ wiri’ xkichapo ri ajb’insal ch’ich’ ruk’ ri cocaína xraqataj ruk’, eri ch’ich’ xtzoqopij b’ik pa uq’ab’ jun rachalal ri achi’ xkichapo rumal k’o pwaq xtoj chi ke ri’.