E k’o kajib’ e ajpache’ xetaq b’ik pache’ pa Estados Unidos

278

Eri q’atb’altzij rech ri K’amow ub’e ri Wokajil Japache’  (DGSP) xkiya’ utzijol che k’o jun junam uwach b’anikil xkib’an ri’ rech xkik’am b’ik kajib’ e ajpache’ pa le Fuerza Aérea Guatemalteca rech xetaq b’ik pache’ pa nimatinamit rech New York, Estados Unidos. Eri e ajpache’ ri’ xel b’ik pache’ rech Pavoncito, Fraijanes xuuje’ pa Mariscal Zavala zona 17 ri’.

Eri Rudy Esquivel, ajtzijolinel rech ri SP, xuya’ utzijol che are ri Grupo Élite ri xq’axin kech ri a Maynor Alfredo Hidalgo Donis 46 ujunab’ ri’ ajpache’ k’o Pavoncito, k’a pa le 17 rech febrero 2017, ri xtaq b’ik pa le nimatinamit norteamericano kab’ixik eri umak are b’anow uq’axaxik awan kunb’alil xub’an ri’.

 

Jeri’ xtaq b’ik a Uben Alberto Esquivel 54 ujunab’ ri xk’oji pache’ pa Mariscal Zabala, k’a pa le 18 rech octubre rech ri 2017, kab’ixik eri umak are xq’axaj jo’ob’ pajb’al rech cocaína pane’ reta’m che maj pa usaqil xutaq b’ik ri’ pa Estados Unidos.

K’o jun urox ajpache’ xuquje’ xtaq b’ik ri’ are ri’ Zelmar Luiny Borrayes de León 35 ujunab’, ri xtz’apib’ pa Mariscal Zavala, k’a pa le 12 rech agosto rech 2016, eri are kab’ixik k’o jo’ob’ pajb’al rech awan kunb’alil xuk’ayij ri’ are wa’ xraqataj chi rij ri’.

Eri jun k’isb’al chi ke ri’ che ri xtaq b’ik pache’ pa Estados Unidos are ri’ a Jorge Salvador Galdámez León 42 ujunab’, ri are xok pache’ pa Mariscal Zabala pa junio rech 2016, kab’ixik eri b’anow k’ax xub’ano are k’ayin jo’ob’ cocaína ri’.

Eri Esquivel xuya’ ub’xik che ri kajib’ winaq ri’ e are xejach b’ik kumal le eqa’lenel rech Japache’ ri’ pa kq’ab’ ri q’atb’altzij Norteamericanos pa le Fuerza Aéra Guatemalteca pa taq ri 10:30 rech saqarib’al ri’.

Eri xtaq b’ik ri’

Eri Esquivel xub’ij che ruk’ wa’ ri kajib’ winaq xetaq b’ik ri’ kakitun kib’ kuk’ ri waqib’ che ri e taqom chi b’ik pa we junab’ ri’, man junam ta ri’ ruk’ ri rech pa 2017  ri k’o 30 xuquje’ pa 2016 pa konojel e k’o 14 ri’.