E k’o Komon taq Chomanelab’ rech Q’atel k’ax xekoj pa Chinab’jul

107

“Kojtajin che rechexik le ropanik pa taq le solinem pa le Tijob’al reta’mab’alil Chajin Tinamit ri’ pa Chinab’jul, rumal ri k’amal b’e amaq’ Jimmy Morales, rech xchoman kuk’ ri komon Chomanelab’ rech Q’atel k’ax are uq’ab’il uchak upatan ri Ministerio rech Gobernación xuquje’ rech xya’taj keqale’nib’al pa saqil uwach ri’”, xcha’ ri viceministro Axel Romero.

Xub’ij ri’ che xkojotaj jun Komonb’al Chomanem pa Tinamit ri’, e 11 chi Komonb’al rech Uq’ab’tinamit xuquje’ e k’o 9 Komonb’al Winaqilal ri’ are rech b’a’ kilotaj rumal le nimk’amal b’e amaq’ ri’, che ri e are ri’ e winaq ri’, utz ketajin che ub’anik pa kik’aslemal ri’ xuquje’ pa le ya’ol kub’sib’al k’u’x pa taq kik’olib’alil ri’.

Chi rij ri kichak patan ketajin che ub’anik ri winaq ri’ che ri e k’o pa taq le komon, eri viceministro Romero, xub’ij che ri e are ketajin che rilik uch’ob’ik ri k’axk’olil kuk’ulmaj ri ya’olchajinik kub’sib’al k’u’x chi’, rech kakilo jas le kapetisan rch ri k’axk’olil ri’ xuquje’ rech te k’u ri’ ya’tal pa saq upatanixik ri cholchak pa taq jujun kik’olib’em ri winaq chi’, rech b’a’ kub’an jalan rilik uwach taq ri’.

Eri Viceministro xub’ij che xuquje’ xujach ri Wujilal rech Chomab’al Uq’ab’tinamit rech Q’atel k’ax pa le uq’ab’tinamit rech La Libertad che ri K’amal b’e Amaq’, jacha’ tane’ retal k’utb’al rech ri chak che kakib’an ri winaqilal ri’, chi’ k’u ri’ kawok uwach taq ilb’anik taq etz’ab’anik ri’ rech k’o  retalil kuya’o chi ke taq alab’om alitom ri’, rech kakib’an ta chik k’ax ri’ rech kakitzukuj kiwa kirikil ri’ xuquje’ rech k’o utzalaj k’amow ib’ chi kuwach pa taq le katinamit ri’ xuquje’ rech k’o jun kichomanik kakib’an kuk’ ri Wokajil Ajchajil Tinamit ri’.

Eri K’amal b’e Amaq’ Morales xub’ij che ri komon taq chomanem rech q’atel k’ax ri’, are k’o utz kakipatanij pa le wokajil chomanik winaqil pa taq tinamit ri’, rech pa komon b’a’ ub’anik ri chak patan kakib’an ri’ jacha’ kub’an ri q’atb’altzij ri’, ri k’amow ub’e taq tinamit, ri Cocodes, ri Comudes xuquje’ wuk’wokaj pa taq tinamit ri’ ruk’ taq kik’amow kib’e ri’, pa le nimq’atenik b’anow k’ax ri’.

COMPARTIR