E k’o nik’aj colombianos xechapatajik aretaq kik’amom b’ik 823 pisob’al rech cocaína pa jun jukub’ kab’in chi uxe’ ja’ palow

152

 

Eri reqa’lenelab’ antinarcóticos xkichap e oxib’ winaq colombianos pa le muelle kojom rumal ri Fuerza Especial Naval (FEN), pa le aldea Santa Rosa, pa le Puerto rech San José pa Escuintla, aretaq e nik’aj b’anol k’ax ri’ e k’o pa jun jukub’ kab’in chi uxe’ ja’ palow kik’am loq 823 chi pisob’al k’o cocaína chupam ri’.

Eri q’atb’altzij ajchajil tinamit xkiya’ utzijol che ri nik’aj winaq che ri xechapik xch’ob’otaj kuwach e are ri’: a Deyler Andrés Valencia Cuero 30 ujunab’, a Adrián Estiven Obregón Velalcazar 38 ujunab’ xuquje’ a José Wilfredo Mosquera Bravo 56 ujunab’ ri’; eri e are ri’ e k’o pa jun jukub’ kab’in chi uxe’ palow kik’amom loq 43 ch koxtar xuquje’ chupam taq xraqataj wi’ 823 pisob’al awan kunb’alil rech cocaína ri’.

Eri jukub’ ri’ are xraqatajik kumal ri fuerzas navales pa uwi’ nim palow xuquje’ are xkik’am b’ik pa le muelle rech ri Fuerza Especial Naval (FEN), chi’ k’u ri’ e reqa’lenel ri PNC pa komon kuk’ ri q’atol tzij rech ri Ministerio Público (MP) xkib’an rilik ri awan kunb’alil ri’ che ri xraqataj wi’ loq.

Eri b’anow tzukunem ya’olchajinik ri’ are rech kaq’atexik ri narcotráfico jacha’ utaqom ub’anik rumal ri Ministro rech Gobernación.