E k’o nik’aj elaq’omab’ e ajtoq’il pwaq ruk’ ri keleq’amaj xechapatajik 

218

Aretaq k’o 20 chi b’anow tzukunem ya’olchajinik xb’antaj pa Mixco, Izabal xuquje’ pa uk’u’x Nimatinamit ri’, eri Wokajil Ajchajil Tinamit (PNC), xkowinik xe’chapo e waqib’ elaq’omab’ ri’ kab’ixik e uwinaq ri molaj b’anol k’ax e ajtoq’il pwaq chi ke ajb’inisal ch’ich’, chi ke e ajk’ayib’ xuquje’ chi ke e ajyakol taq mes ri’.

Chi ke ri xechapatajik ri’ kab’ixik xb’antaj kowinem xchapik jun k’amal b’e taqanel rech ri jun molaj kamisanem ri’ ub’i’ Edwin Rocael Godoy Espinoza, alias “El Sniper”, 26 ujunab’ ri’, xuquje’ are kab’ixik are e alaxik ruk’ ri a Axel Danilo Ramírez Espinoza, alias El Smiley, ri karaqataj chik pache’ ri’. Xuquje’ ri a Ángel Samuel Osorio Pérez, 18, alias “Pañalón”, ri alYesenia Taperia, 19 ujunab’ ri’ xuquje’ kuk’ e oxib’ alab’om chi ke ri’ 16 ujunab’ ri’.

Xuquje’ xraqataj jun k’aqb’al, ruk’ jun chik k’aqb’al, ch’a’wb’alil, pwaq, ub’aq’ k’aqb’alil ri’, ruk’ awan kunb’alil xuquje’ ruk’ nik’aj wujil ri tz’ib’atal kib’i’ ri winaq che ri kakib’an k’ax chi ke ri’. We nik’aj winaq ri’ pa Mixco xechapataj wiri’.

Xuquje’ pa Izabal terenb’em ub’anik ri tzukunem ya’olchajinik rumal xuquje’ chi rij ri nik’aj kamisanelab’ chi’, rumal elaq’nik toq’inik pwaq xuquje’ rumal e k’o kejach’ich’ tajin keleq’ax chi’.

COMPARTIR