E k’o nik’aj elaq’omab’ xkib’an che jun ch’ich’ rech k’ayij xechapataj pa Villa Canales ri’

131

 

Aretaq xe’ilotaj nik’aj elaq’omab’ kumal ri winaq ri’ pa aninaqil xkiya’ loq ub’ixik pa le 110 kuk’ ri PNC, eri eqa’lenel rech ri comisaría 15 e are k’ut xkichapo e kajib’ elaq’omab’ pa le kilómetro 16.5 pa le nimab’e rech Villa Canales kab’e pa Boca del Monte ri’.

Eri nik’aj xechapatajik e are a Humberto Israel Poyon Chavaran 28 ujunab’, a William Estuardo Palma 27 ujunab’, a Juan José Flores Chávez 23 ujunab’ xuquje’ a Erick Yaliel Barillas Ixmatul 32 ujunab’, eri nik’aj b’anol k’ax ri’ kab’ixik e are xkib’an elaq’ che jun ch’ich’ kujach qumub’al pa taq k’ayib’al, pa le zona 1 Villa Canales ri’.

Eri eqa’lenel ri’ aretaq xkito che pa le jun ch’ich’ P-084DSJ, marca Mazda, Protege, rax rij, chi upam k’ut e b’enaq wi nik’aj elaq’omab’ ri’ xuquje’ aretaq xesolixik k’o jun k’aqb’al xraqataj kuk’ ruk’ waqib’ ub’aq’ rech kakikojo, man pa usaqil keqam ri’.

Pa le utzijolil ri PNC ri’ xq’alajin che ri Barillas Ixmatul k’o umaj b’anoj k’ax ub’anom ri’ are toq’inik pwaq chi ke winaq ri’ xuquje’ rumal reqam k’aqb’al rech b’anoj elaq’ ri’ taqom uchapik ri’.

Eri a Estuardo Palma xuquje’ a José Flores xuquje’ xq’alajinik che k’o jun toq’inik pwaq ub’anom chi ke winaq ri’.

Eri nik’aj elaq¿omab’ ri’ xb’antaj kowinem xechap k’ut pa taq le b’anoj ya’olchajinik winaqil xuquje’ rumal taq le tzukuenm xb’antaj chi ke ri kumal ri Wokajil Ajchajil Tinamit ri’.