E k’o nik’aj xek’oji che patanel xechapataj ri’ rumal xkik’owisaj rajil ri rilik ri’

156

Eri exalcalde rech La Reforma, San Marcos, Carlos Macario Guzmán, jeri’ ri exconcejal, Marconi Calderón Ramos xuquje’ nik’aj chik waqib’ winaq xechapataj ri’, rumal xkik’owisaj uwi rajil ri rikil xkitojo, rech aretaq xkiloq’oj ri ixim ri’ ri’ rech kya’ chi ke taq ri komon winaqil rech San Marcos ri’.

Eri nik’aj winaq xechapik ri’ aretaq xb’an ri 32 chi tzukunik kumal ri eqa’lenelab’ rech ri Jachakunb’al rech B’anow Tzukunik ri’ chi rij b’anow k’ax che Pwaqilem ri’ rech ri Wokajil Ajchajil Tinamit Winaqilal ri’ (PNC), rumal uterenb’exik jun ximonik xb’anpa le Contraloría General rech Cuentas, chi’ k’u ri’ xya’taj wi ub’ixik ri b’anow itzelal pa le uloq’ik ri rikilem ri’.

Eri cholchak ri’ are xloq’oxik pa le nab’e q’ij rech junio rech 2015 xuquje’ ri Contraloría General rech Cuentas, kub’ij pa ronojel ri xtoj ri’ are Q.781 mil 200, are wa’ xya’ ub’ixik ri’ che sib’alaj ok’owinaq uwi pa Q.351 mil 920 ri’.

Eri xechapatajik e are ri’: a José Luis López Soto, 52 ujunab’, a Fredy Rolando Orlando Juárez 24 ujunab’, a Álvaro Gudelio Navarro Barrios, a Juver Emigdo Calderón, 63 ujunab’, a  Antonio Aroldo Arreaga López, 25 ujunab’ xuquje’ ri Nuvia Julieta Recinos, kab’ixik konojel ri’ rumal ri elaq’nik xkib’an ri’.

COMPARTIR