E k’o nima’q winaq xechap rumal INTERPOL Iximulew ri’ pa le 2017

77

Eri chak patan b’anom rumal INTERPOL Guatemala ri’ are k’o utzalaj taq uwachinik xuya’o pa saq ri’ ruk’ kichapik e 135 chi winaqil che ri sib’alaj xetzukux pa uwachulew ri’ pa we junab’ ri’, e 18 chi ke sib’alaj tzoqopim q’aq’ chi kij ri’.

Chi ke taq ri winaq xechapatj ri’ ri xetaq loq pa q’atb’altzij chi’ pa Iximulew ri’ are ri’ ri Jaime Ramón Aparicio Mejía, rachalal ri Ex Ministro rech Comunicaciones, Alejandro Sinibaldi, eri umak kab’ixik are rumal b’anow elaq’ itzelal pa Taqawokajil ri’, kab’ixik k’o xreleq’aj cha’ rumal ri’ xchap loq kumal ri Ajchajil Tinamit pa Buenos Aires, Argentina pa le ik’ septiembre kanoq rech 2017 xuquje’ xk’am loq chi’ pa noviembre kanoq rech pa we junab’ ri’; xuquje’ xchap loq pa Nicaragua ri Janh Enrique Avalos Ramírez, rech  uwinaqil peruana eri umak kab’ixik are b’anow kamisanik xuquje’ b’anow k’ax rumal xraj xukamisaj ri jun ajchoq’e ri wokajil ya’olchajinik ub’i’ Recovery, Byron Geovanny Andrade Salazar, pa junio rech ri junab’ 2011, are xraq ri’ kumal ri q’atb’altzij nicaragüense xuquje’ xk’am loq pa we amaq’ ri’ pa Junio kanoq rech 2017 ri’.

We nik’aj taq nima’q winaq xechapik chi’ pa rulewal qatinamit ri’ e oxib’ jalajoj kipetib’alil ri’, k’o jun kape pa Sur Coreano, jun chik pa Jordania jun chik Mexicana ub’antajil ri’.

Upetik pa le Aeropuerto Internacional rech ri Uk’u’x Nimatinamit rech México, le Hwa Soo Kim are uwinaqil coreana xchapataj ri’ kumal ri INTERPOL Guatemala ri’ aretaq xok loq pa we amaq’ ri’ rumal kab’ixik k’o elaq’ xub’ano xuquje’ xchap ri jun Winaq rech Jordania, ub’i’ Ibrahim Mahmoud Issa Hussein, ri are xchapataj pa le aeropuerto Internacional La Aurora aretaq xok loq pa jun xik’ach’ich’ upetik pa Estados Unidos rech Norteamérica, eri umak kab’ixik are b’anow elaq’nik, rumal xukoj rachib’al wuj maj pa usaqil ri’, rumal xukoj jun ub’i’ che man tzij taj xuquje’ rumal xukoj rib’ che jun chik winaq ri’, are wa’ xch’ob’otajik xab’a’ maltyox che ri nimtob’anik xuya’ rech xtzukuxik rumal ri Oficina de Detención y Deportación (ERO, ub’i’ pa inglés tzij) rech ri Departamento rech Ya’olchajinik Kub’sib’al k’u’x pa Tinamit ri’ ICE xuquje’ kumal ri q’atb’altzij chi’.

JXuquje’ k’o pa utzijol ri’ ri keb’ winaq che ri xetaq b’ik pache’ pa q’atb’atlzij rech pa nik’aj chik nimatinamit, jacha’ ri utzijol ri Fernando Alonso Ochoa Restrepo, 59 ujunab’ ri’, colombiano, eri umak kab’ixik uwam ruk’ awan kunb’alil rech maj pa usaqil kuk’ayij ri’, rumal b’anow k’ax, rumal reqam k’aqb’al maj pa usaqil, rumal ri’ xchapik pa le 28 rech julio rech 2016 kumal reqa’lenel ri INTERPOL pa le aeropuerto La Aurora, pa unimaxik taqom uchapik ri’ xuquje’ rech xtaq b’ik pa q’atb’altzij rech Costa Rica pa le ik’ noviembre ri’, rumal sib’alaj toq’im uchapik loq chi la’.

Xuquje’ xchapik pa le ik’ abril kanoq pa jun Hotel rech Panajachel, Tz’oloja’ ri jun exgobernador mexicano Javier Duarte, ri sib’alaj xtaq loq uk’amik pa utinamit ri’ pa ik’ rech julio, eri umak ri’ xa’rumal k’o nim elaq’ xub’an pa taqawokajil ri’ xuquje’ e k’o molaj winaq e usik’ik che ub’anik k’ax ri’ aretaq xk’oji che nim taqanel pa utinamit ri’.

 

COMPARTIR