Pa ronojel e k’o 267 k’ak’ eqa’lenelab’ ajchajinel rech ri Wokajil Japache’ ri’, e k’o  e 13 ixoqib’ chi ke, ri xkik’is k’ut uwach tijob’en ib’ chi ke aretaq xe’ok’ow k’ut pa nim tijob’al k’ax ri’ xuquje’ rech k’o xketa’maj ri’ xuquje’ pa le ronojel ri xk’ut chi kuwach ri’ rech pa le unimaxik ri kichak patan ronojel q’ij ri’.

Eri Elliot Palma, K’amal b’e rech ri Escuela rech Estudios Penitenciarios xuya’ ub’ixik che k’o jun sik’inem xb’an chi ke e kajib’ (4) mil achijab’a xuquje’ ixoqib’ ri’ eri jun 10 por ciento chi ke ri’ xecha’ik chi ke rech xkimaj uk’amik jun retal tijonik rech ke’ok che e Ajchajil Pache’, rumal ri’ waqib’ ik’ xkitijoj kib’ pa kowilaj tijob’enik ri’.

Eri Sub Director rech ri Wokajil Pache’ ri’ (SP), Erick Cárdenas xub’ij chi ke ri k’ak’ taq Guardia Penitenciaria che “Che ri nim uq’ijol kakina’o pa kik’aslemal we kamik, man k’ot jun, majun ta winaq kesan rech chi ke ri’, rumal b’a’ eri winaq tinamit rech Iximulew xuquje’ uj kakub’ qak’u’x chi wij ix, rumal k’ut rajawaxik kaqab’an jun nim k’exnik xuquje’ are wa’ kaqab’an ri’, eri Qajaw Chikaj nim kixute’wchij ix xuquje’ utz b’a’ kixtajin che ub’anik ri’”.

Rumal ri’ eri Viceministro rech Seguridad, Ricardo Guzmán, xuya’ ub’ixik che ki’kotem chech ri are rumal ri’ sib’alaj kumaltyoxj ri tijow chuq’ab’ xkib’an ri k’ak’ taq ajchajinelab’ ri’ jeri’ xumaltyoxij chi ke taq kachalal ri’.

“Eri ix ri’ k’o no’jik’aslemal ri’ rech kixkowin che kik’exik ub’anikil pa le kik’aslemal ri e ajpache’ ri’, eri ix b’a’ kixkowinik kixchajin chi ke, rech kixtob’anik kib’an chi ke kakik’ex kino’jib’alil pa kik’aslemal ri’ xuquje’ rech te k’u ri’ kekowinik ketzalij chik pa le kik’aslemal kuk’ ri kachalal rumal e utz winaq chik.”

Eri Corinne Dedike rech ri CIEN ri’, xuki’kotirsaj kuwach konojel ri’ rumal kikojom kichuq’ab’ che ub’anik kichak patan ri’ xuquje’ rech kakiya’ ta kib’ kamin k’ax pa kichomab’al kumal ri e itzel winaq ri’ xuquje’ xuta’ jun nim lejemq’ab’ chi rij ri Tijob’al rech Tijob’en ib’ chi rij ub’anikil chajinik pache’ tz’apib’al ri’ rech katerenb’exik ruk’ ri kojb’al ri K’ak’ Taqanik pa Wokajil Japache’ ri’.

Ya’b’al wuj rech na’tb’al tijob’en ib’ ri’

Rumal rachb’ilaxik, katijoxik, ri b’anow tzukunik, kiq’axaxik xuquje’ rachb’ilaxik ri Wokajil Japache’ ri’, xk’am kiq’ab’il kichak kipatan ri Embajada rech ri Estados Unidos, ri Wokajil Ajchajil rech Iximulew ri’, ri Wokajil Ajchajil Tinamit ri’ xuquje’ che ri  Viceministro rech  Ya’olchajinik xuquje’ che ri Ministro rech Gobernación rumal b’a’ uya’ik uchuq’ab’ uchak patan ri B’anow K’ak’ Taqanem ri Wokajil Ajchajil Tinamit rech pa we Amaq’ ri’.

Chi ke ri jujun pa kimulajil ri e ajchajil pache’ tz’apib’al ri’ k’o jun k’utb’al rech ukojik k’aqb’alil xb’antaj ri’ ruk’ raqarik k’aqb’alil 7.62 xuquje’ ruk’ kupkik k’aqb’alil  9mm ruk’ nik’aj chik ri’, xuquje’ rech chi rij tob’ab’al ib’, ronojel wari’ ruk’ uwa’lib’alil uwach q’atel b’anow k’ax ri’ xuquje’ chi rij nimib’al uwach ri ya’talil chi ke ri winaqil ri’.

Xuquje’ xya’ pa k’utik ukojik una’wilik k’aqb’al ri kekamisan taj ruk’ jun ub’anikil pa le kiq’axaxik ri e ajpache’ che ri k’o sib’alaj k’ax kib’anom ri’.

COMPARTIR