E are wa’ xekojik pa le umajik ri chak kumal ri Fuerzas rech Tarea Interinstitucional Tecún Umán, Xinca y Chortí, pa komonb’al rumal ri Quinto Viceministerio Antinarcóticos, rech ri ya’olchajinik pa we juntir amaq’ ri’, eri nik’aj ch’ich’ J8 ri’, e are wa’ xesipaxik rumal ri taqawokaj amaq’ rech Estados Unidos, xuquje’ e are wa’ kekojik pa taq ri ya’olchajinik ri’.

Eri nik’aj ch’ich’ eri’ e are ri’ xekoj qas nab’e pa taq le ya’olchajinik pa lunes kanoq, are chi’ k’o 93 chi tzukunem xb’an ri’ rumal k’ut xb’antaj kowinem e k’o e 23 chi winaqilal e ajb’anol k’ax xechapataj ri’.  Pa jun chik puqil e nik’aj ch’ich’ ri’ xuquje’ xekojik rech xb’antaj q’atenik b’anow k’ax chi rij taq ri wokajil japache’ ri’ pa le zona 18.

Eri Jeeo J8 ri’, e are ri’ ch’ich’ ronojel keb’inisax wiri. K’o jujun chi ke kojom tob’al chi kij ri’ xuquje’ e k’o nik’aj chik xaq panik’aj tob’al kojom chi kij ri’, are ri’ rax kaka’y kij ri’, k’o kajib’ tinib’al rech, e are e b’anom rech kekoj pa ronojel taq ub’eyal ya’olchajinik ri’.

Rumal ri’ sib’alaj xya’taj ub’ixik che e are wa’ nim ketob’anik pa le ya’olchajinik winaqilal ri’ kumal ri’ Fuerza de Tarea Interinstitucional rech maj pa uq’alik ri ya’olchajinik pa k’ulb’a’t juyub’ ruk’ El Salvador, Honduras xuquje’ México, rech kiq’atexik ri nuk’wokaj b’anol k’ax, ri e ajk’ayin awan kunb’alil kuk’ ri e ajk’ayin awan jastaq ri’.

Eri fuerza de tarea are wokom uwach kumal taq eqa’lenelab’ rech ri Wokajil Ajchajil Tinamit (PNC), ri Wokajil Ajchajil Iximulew xuquje’ rumal ri Superintendencia rech Administración Tributaria (SAT), eri wokajil ri’ pa komon ketajin che ya’olchajinik rech uq’atexik b’anol taq k’ax ri’.

COMPARTIR